Bəzi alimlər insanları mart ayının 19-da diqqətli olmağa çağırıb. 18 ildən sonra bu tarixdə Ay Yerə ən yaxın məsafədə olacaq. Bəzi elm nümayəndələri hesab edir ki, bu hadisə dünyanın dörd bir yerində şiddətli təbii fəlakətlərə, zəlzələ və sunamilərə səbəb olacaq. Çünki Ay 19 martda Yerin sadəcə 356 min 578 kilometr məsafəsindən keçəcək.
Şamaxı Astrofizika Rəsədxanasının direktor müavini Elçin Babayev ANS-ə bildirib ki, Ayın bu dəfə Yerə yaxınlaşmasının fərqli xüsusiyyətləri olacaq. Müxtəlif illərdə Ay Yerə yaxınlaşsa da, heç bir zaman Ayın bədirlənmiş formada Yerə yaxınlaşması müşahidə olunmayıb.
Astrofizikin sözlərinə görə, Ay 2008-ci ildə də Yerin 350 min 570 kilometirliyindən keçib. Növbəti Ay keçməsi isə 2016-cı ildə baş verəcək. Bu isə Ayın Yerə ən yaxın keçməsi olacaq. Elçin Babayev deyir ki, Ayın Yerə yaxın keçməsindən təşvişə düşmək lazım deyil. Bu, adi astronomik hadisədir. Bu dəfə Ay Yerə yaxınlaşanda daha parlaq olacaq.
"Bu dəfə Ay Yerə daha yaxın keçir. Bu özü də nadir hadisədir ki, Ay bədirlənmiş, yəni bütöv formada keçəcək. 15 faizə qədər disk görünəcək. Ayın parıltısı 30 faiz olacaq. Bunun özünə əsrarəngiz astoronomik hadisə kimi baxmaq olar. Amma təşvişə səbəb görmürəm”, - deyə Elçin Babayev vurğulayıb.
Mütəxəssis eyni zamanda bildirir ki, Ayın Yer ətrafında fırlanması da yavaşlamağa başlayıb. Elçin Babayev Ayın Yerə yaxınlaşması ilə təbii fəlakətlərə, zəlzələ və sunamilərin olacağına inanmır. Onun sözlərinə görə, Yaponiyada baş verən zəlzələnin Ayın Yerə yaxınlaşması ilə əlaqəsi yoxdur. Amma fəallığını artıran tək Ay deyil. Günəş də son zamanlar fəallaşıb. Proqnozlara görə, yaxın 2-3 ildə Günəş özünün maksimum mərhələsinə çatacaq. Bundan isə insanlar deyil, texnika zərər görəcək. Enerjinin verilişində problemlər yaranacaq. Texniki cihazların fəaliyyəti iflic olacaq.
Astroloq Firidun Qurbansoy isə deyir ki, Günəş özünün inkişafını martın 19-da da göstərəcək. O, insanları bu təbiət hadisəsindən təlaşa düşməməyə çağırır. Astroloq Novruz bayramı günü hər kəsi sadəcə təbiətin şıltaqlaşmaması üçün dua etməyə çağırıb.
Qeyd edək ki, Ayın Yerə yaxınlaşması 1955-ci, 1974-cü, 1992-ci və 2005-ci illərdə olub. Həmin illərdə təbii fəlakətlər baş verib.
|
ilkin
ulvi zeynalli
Leyla
Zehra
Məhəmmədəli
Leman
