Ekstrasensdən qanlı olayla bağlı şok açıqlama
“Mən gözlərimi yuman kimi cinayət işi ilə bağlı cavan qadın da görürəm”
Aprelin 30-da Azərbaycan Dövlət Neft Akademiyasında baş verən terror hadisəsi ilə bağlı hər gün yeni versiyalar üzə çıxmaqdadır. Azərbaycanın müstəqil qəzetlərini çıxmaq şərtilə ölkədə hadisə informasiya blokadasına alınıb. Telekanallar və dövlət qəzetləri bu barədə susurlar. Nə yolla olur olsun ölkədə böyük faciə baş verdiyini pərdələməyə çalışırlar. Bu isə xalqın nigarançılığını rahatsızlığını bir-on artırır.
Bu narahatçılıqdan doğan səbəblə məşhur ekstrasens, Moskvada faəliyyət göstərən Zirəddin Rzayevə telefon açdıq. Xatırladaq ki, bir müddət əvvəl ekstrasenslə geniş müsahibə dərc edilmişdi. Müsahibədə qətlə yetrilmiş general Rail Rzayevin ölüm hadisəsi ilə bağlı suala ekstrasens “Azərbaycanda daha iki belə qətl hadisəsini görürəm” deyə cavab vermişdi. Baş verən terror ekstrasensin gördüyü qətllərdən biri deyil ki? Bu sualla Zirəddin Rzayev belə cavab verdi:
- Bəli, bir-neçə ay öncə sizə verdiyim müsahibəmdə də bu barədə demişdim. Çox təssüflər ki, belə bir xoşagəlməz hadisə baş verdi. Çox təssüflər olsun ki, belə bir xoşagəlməz hadisənin biri də 2012-ci ilə təsadüf edir.
- Sizcə 2012-ci ildə baş verən qətl də kütləvi xarakter daşıyacaq, yoxsa fərdi olacaq? - Yox, bu qətlin kütləvi olduğunu görmürəm.
- Bəs terrorun səbəbləri ilə bağlı nə deyə bilərsiniz? Terrorda maraqlı tərəf kimlər olub? - Bir görücü kimi deyə bilərəm ki, bu terroru Azərbaycana qarşı qərəzli mövqe tutan neqativ adamların birləşdiyi bir qurum həyata keçirib. Bunun dini təriqətlə, hansısa dini sekta ilə bağlılığını görürəm. Vətənimizə qarşı hazırlanmış bir hiylədir.
- Siz cinayətkar haqqında informasiya verə bilərsizmi? Ümumiyyətlə, o, necə adamdır? - Cinayətkarın ruhi pozğunluğu olub. Onun psixoloji çatışmazlıqları olub. Yenə də deyirəm, bu hadisə sırf dini tətriqətlə bağlıdır.
- Bir az konkretləşdirə bilərsiniz? - Konkret onu deyə bilərəm ki, cinayətkar zombiləşdirilmiş bir şəxs olub. Çox zəif psixologiyası olub.
- Bakıda müxtəlif versiyalar irəli sürülür, hətta deyilir ki, bu bir terrorçunun işi deyil, ona kömək edənlər olub? Sizcə hadisə tək törədilib, yoxsa Fərda Qədirovun köməkçisi olub? - Bu terrorun arxasında kimlərinsə durduğunu görürəm. Ölkəmizə qarşı qərəzli olan adamalrın təkidi ilə bu hadisə baş verib. Cinayətkarı dini qruplaşama bu işə təhrik edib.
- Amma belə versiyalar da gəzir ki, cinayətkar özü-özünü öldürməyib, onu kənardan müşayiət edənlər öldürüblər. - Xeyr. Mən görürəm ki, o, özü-özünü öldürüb. Ancaq onu da deyim ki, cinayətkar tək olmayıb. Gözümü yuman kimi cinayət işi ilə bağlı cavan qadın da görürəm. Cinayətkar qaranlıq yer altından çıxıb, bu ya zirzəmidir, ya da ki, metro. Terror zamanı Akademiyada iki silahlı olmalı imiş. Onu da deyim ki, Fərdanın qanının tərkibində kimyəvi dəyişikliklər var. Böyük ehtimalla o, narkotik maddələrdən istifadə edib.
- Bəs niyə görə terrorist başqa bir obyekti deyil, məhz Neft Akademiyasını seçib? Sizcə burada ölkəmizin neft siyasəti rol oynamır ki? - Hədəfin dəqiq olaraq, məhz universitet olduğunu müəyyənləşdirə bilmirəm. Bu barədə sonra. |