Onun çeşməsindən kim su içməmiş,
Yolunu sinəmdən saldı baxışlar.
Odur xəbərçisi ilk məhəbbətin,
"Ürəkdən-ürəyə yoldu"baxışlar.
Eşqin yolçusunu yoldan eylədi,
Bir nəzər salanda min qan eylədi.
Yoxsa ov axtaran ovçudu,nədi?
Ovunu sinəmdən aldı baxışlar.
O yanan alova dözən kim oldu,
Mən xəstə oldummu,o həkim oldu
Günahsız könlümə kim hakim oldu,
Qəlbimi saz kimi çaldı baxışlar.
Əsmər yanağında laləmi vardı,
Onun kəşf olunmaz aləmi vardı.
Çay kimi çağlayan min dəmi vardı,
Görənlər deməsin laldı baxışlar.
Çevrilib üzümə dönüb baxdımı,
Mən onda görürəm ömür baxtımı.
Qaynar bulaqdımı,ya ocaqdımı,
Qəlbimi odlara saldı baxışlar?
Məluldu,xumardı,işvədi,nazdı,
Deyirlər dünyada beləsi azdı.
Qəlbimə silinməz bir yazı yazdı,
Ömürlük sinəmdə qaldı baxışlar. |
Anonim
ASIM
