Azərbaycanın ikinci mobil operatoru olan “Bakcell Ltd” MMC-nin loqotipi dəyişdirilib. Şirkətin baş ofsindən SİA-ya verilən məlumata görə, 1 həftədən çoxdur danışıq kartlarının (cin kartların) satışa buraxılmamasının səbəbi yeni loqotipin hazırlanması ilə əlaqədar olub. Belə ki, cin kartların satışa buraxılmaması onların üzərindəki loqotiplərin yenisi ilə əvəzlənməsi məqsədilə dayandırılıb. “Bakcell”in baş ofisinin və “Bakcell” VİP Xidmət Mərkəzinin əməkdaşları SİA-ya bildiriblər ki, danışıq kartları bu gündən etibarən “Bakcell”in rəsmi distribyutorlarının və dilerlərinin satış məntəqələrinə paylanıb. Bu gün paylanma həmin məntəqələrə başa çatdıqdan sonra yerlərdəki bütün mağazalara da paylanacaq. Qiymətlər məsələsində isə hələlik hər hansı dəyişiklik gözlənilmir. “Bakcell”dən verilən məlumata əsasən, cin kartların satışa buraxılmamasının qiymətlərlə heç bir əlaqəsi yoxdur. Bir sözlə, “Bakcell” abunəçiləri qiymət artımından narahat, azalmadan isə sevincək olmasınlar . |