Aysel və Araş hovuzda yaxalandılar!

Cütlüyün arasında roman başlaması barədə xəbərlər yayılıb

Rusiya mətbuatı “Eurovision-2009” təmsilçilərimiz Araş və Ayselin arasında roman başlaması barədə xəbərlər yayıb. 282.CLaN.Su-nun life.ru-ya istinadən xəbərinə görə, Araş Moskvada vaxtını səmərəli keçirir. O nəinki məşq edir, üstəlik, böyük zövqlə azərbaycanlı gözəllə asudə vaxt keçirir. Dünən cütlük paytaxt restoranlarından birində olub, buradan isə hovuza gedib. Mənbə yazır ki, müğənnilərin üzündəki ifadədən nə qədər xoşbəxt olduqları görünür. Onları bir-birlərinə şəfqətlə baxaraq, gülümsəyiblər.
- Uşaqlar yaxşı yola gedir, - Araşın dostları deyib. - Onlar çox tez bir-birlərilə dil tapdılar. Moskvada yaxşı vaxt keçirirlər. Romantika varmı? Əlbəttə...
Pizzadan sonra “uşaqlar” hovuza giriblər. Rusiya mətbuatı hovuzda çimmək xəbərini belə təqdim edib: “Bu yaraşıqlı iranlı hovuzda çimmək üçün Ayseli nə qədər dilə tutsa da, müsəlman ailəsində tərbiyə alan qız kələkbaz həmkarının tilovuna düşmədi”.