90 ildir yatır!
Əsrarəngiz mumiyanın sirri həll tapıldı. Mumiyalanan Rosalia Lombardo tam 90 ildir cəsədi heç pozulmadan sanki bir körpə kimi yatırdı. Bunun sirrini tapmaq isə elm adamlarının 90 ilini aldı. Bu günlərdə dünyada H1N1 olaraq bilinən donuz qripinin bir bənzəri olan İspan qripi yalnız Avropada 25 milyon can aldı.
Bunlardan biri də İtalyan general Mario Lombardonun kiçik qızı Rosalia Lombardo idi. Kiçik qız İspan qripindən həyatını itirdiyində bu ağrıya dözmək atasına çox çətin gəldi. Ağrısını bir az da olsun yüngülləşdirmək istəyən general Lombardo, qızını mumiyalayaraq ölümsüzləşdirmək istədi. O, illər sonra belə qızının sanki yatırmış kimi şüşə faunusta insanlara gülməsini istəyirdi.
Bu işi edəcək adamı İtalyanın Siciliya bölgəsində tapdı. Mumiya ustası Alfredo Salafia kiçik qızı mumiyalayaraq şüşədən bir məzarın içinə qoydu. Ancaq Salafia mumiyalamada necə bir üsul istifadə etdiyini kimsəyə söyləmədi. Ustalığının sirrini özüylə birlikdə məzara apardı. Hal-hazırda İtalyanın Palermo şəhərində bir muzeydə olan kiçik qızın necə mumiyalandığının sirrini tapmaq üçün arkeologlar illərcə araşdırma etdi. Amma bu sirri həll etmək Palermo Universitetində işləyən arkeolog Piombino Mascaliyə nəsib oldu. 1999-cu ildən bu yana mumiya ustası Salafianın sirri üzərində işləyən Mascali, təsadüfən bir əl yazması əsər tapdı. Salafia kiçik qızı necə mumiyaladığını burada detallı bir şəkildə açıqlamışdı. Mascali, əl yazmasının tibb tarixində çox əhəmiyyətli bir yerə sahib olduğunu ifadə edir.
Elm adamları Salafianın kiçik qızın qanını kimyəvi bir maddə ilə dəyişdirdiyini təxmin edirdilər. Amma əl yazmasına görə Salafia, Rosalia Lombardonun damarlarına spirt və salisil qarışığı bir maye qatıb. Mascali tapdığı əl yazması üzərində araşdırmalarına davam edir. |