AZƏRBAYCAN İNTERNETİNDƏ QALMAQAL!
Yüzlərlə erməni saytını dağıdan azərbaycanlı hakerlər Bakı provayderləri tərəfindən bloklanıb
282: Yüzlərlə erməni saytını dağıdan azərbaycaınlı haker qrupu - "Azerbaijan Defacers"ə qarşı Bakıdakı provayderlər tərəfindən blok qoyulub. Bu barədə "Azerbaijan Defacers"-dən 282.CLaN.Su-ya ünvanlanan məktubda deyilir. Məktubda bildirilir ki, "Uninet", "Azeronline", "Bakinternet" və digər provayderler azərbaycanlı hakerlərin toplaşdığı internet saytına Azdefacers.org-a öz DNS-lərindən blok qoyublar. "Soruşmaq istərdik, nəyə görə? Vətənpərvərliyi yaydığımıza görə? Azərbaycanı sevdiyimizə görə? Düz sözü dediyimizə görə? Yaltaq olmadığımıza görə? Rüşvətə yox dediyimizə görə?"- deyə hakerlər provayderlərdən soruşur. Hakerlər bildirir ki, onlar provayderlərin saytlarını dağıtmaq istəmirlər: "Çünki bu bizə yaraşmaz! Biz Ermənistan saytlarını dağıdırıq, Azərbaycan saytlarını yox." Bununla belə "Azerbaijan Defacers" haker qrupu onlara blok qoyan provayderlərə məktubda son sözlərini deyiblər: "Siz gecələr evdə isti çarpayılarınızad yatanda biz ermeni saytlarında, serverlərində boşluqlar axtarırıq və hacklayırıq! Haram olsun sizə bizim yuxusuz gecələrimiz! Düz söz üz qızardar! Bizə qalan isə Cənab Ali Baş komandanın hücum əmrini gözləməkdir! Hələlik biz Virtual müharibəmizi davam etdirəcəyik!". |