 Mart ayının son günü Bakıda və Abşeron yarımadasında dəyişkən buludlu, əsasən yağmursuz hava müşahidə ediləcək. Ekologiya və Təbii Sərvətlər Nazirliyi Milli Hidrometeorologiya Departamentindən ANS PRESS-ə verilən məlumata görə, gecə və səhər bəzi yerlərdə zəif duman olacaq. Arabir güclənən mülayim cənub-qərb küləyi axşam şimal-qərb küləyi ilə əvəz olunacaq. Havanın temperaturu gecə 4-6° isti, gündüz 15-20° isti olacaq.
Aprelin 1-də isə axşam buludluluğun artacağı, gecəyə doğru bəzi yerlərdə yağış yağacağı gözlənilir. Şimal-qərb küləyi əsəcək, yarımadanın bəzi yerlərində güclənəcək. Havanın temperaturu gecə 4-6° isti, gündüz 9-14° isti təşkil edəcək.
Azərbaycanın rayonlarında martın 31-də əsasən yağmursuz, lakin gecə və səhər bəzi yerlərdə dumanlı hava gözlənilir. Qərb küləyi əsəcək, arabir güclənəcək. Havanın temperaturu gecə 3-7° isti, gündüz 19-24° isti, dağlarda gecə 0-4° isti, gündüz 10-15° isti təşkil edəcək.
Aprelin 1-də gecə və səhər bəzi yerlərdə duman müşahidə ediləcək. Lakin axşam bəzi yerlərdə yağış yağacağı gözlənilir. Şimal-qərb küləyi əsəcək, ayrı-ayrı yerlərdə güclənəcək. Havanın temperaturu gecə 3-8° isti, gündüz 19-24° isti, dağlarda gecə 0-3° isti, gündüz 6-11° isti olacaq. |
ilkin
Leyla
Leylaşka1
Leman
