Toyuq ətini duz əlavə edilmiş suda bişirin. Sonra süzün və kənara qoyun. Soyuduqda, bıcaqla uzunsov doğrayın və ya da əlinizlə didin. Xiyar, yerkökü və bibərləri nazik uzunsov şəkildə doğrayın. Ərzaqların hamısını bir qaba qoyub qarışdırın. Soyuducuda ən azı yarım saat saxladıqdan sonra servis edin.

Toyuq şorbası
Toyuq əti – 155q
Düyü – 25q
Ərimiş yağ – 20q
Alça və gavalı – 20q
Noxud – 20q
Baş soğan – 20q
Şüyüd – 10q
İstiot, zəfəran və duz.

Toyuqdan bişirilmiş bulyon ələkdən süzülür. Düyü bulyonda bişirilir, üzərinə yağda qızardılmış soğan qatılıb hazır olmasına 15 dəqiqə qalmış ayrıca bişirilmiş noxud, alça və ya gavalı qurusu əlavə edilir. Sonra üzərinə dilim şəklində doğranmış bişirilmiş toyuq əti və doğranmış şüyüd əlavə edilib 1-2 dəqiqə qaynadılır.

Kartof kababı
Kartof – 350q
Qoyun quyruğu – 60q
Göy soğan – 40q
Cəfəri - 10q
Duz, istiot.

Kartof soyulur, 40-50 qram çəkidə doğranır və qaynar duzlu suda pörtülür (15-20 saniyə). Qoyun quyruğu 15-20 qram çəkidə doğranır, növbə ilə kartofla şişə taxılır və manqalda qızardılır. Hazır kababın üstünə göyərti səpilir.

Şirin nazik
Əla növ buğda unu – 700q
Ərinmiş yağ – 200q
Şəkər kirşanı – 115q
Yumurta sarısı – 1ədəd
Maya – 2q
Zəfəran – 0,03q
Duz - 1,5q.

520 qram un, 90 q yağ və duz əlavə edilməklə mayalı xəmir yoğrulur. İçlik hazırlamaq üçün 70 qram yağa zəfəran şirəsi və şəkər kirşanı qatılıb yaxşıca qarışdırılır, sonra üzərinə tədricən 140 q un tökülüb bircinsli kütlə alınana qədər qarışdırılır. Xəmir gəldikdən sonra 3-5 mm qalınlığında yayılır, üzərinə yağ sürtülüb bir neçə dəfə qatlanmaqla qat-qat xəmir əldə edilir. Xəmirin ortasına içlik qoyulur, kənarları qatlanaraq mərkəzə birləşdirilir və 10-12 mm qalınlıqda yayılır. Beləliklə qat-qat xəmirdən hazırlanmış içlikli kökə yağlı listə qoyulub, üzərinə yumurta sarısı sürtülür, çəngəllə bəzək vurulur. Şirin nazik 200-2200 C temperaturda 25-30 dəqiqə bişirilir.