NAR SALATI
500 q soyutma dana əti
3 ədəd soğan
3 ədəd soyutma kartof
1 ədəd çuğundur
250 q mayonez
1 ədəd nar
Duz, istiot
Soğanı halqa şəklində doğrayın və turşuya qoyun. Dana ətini xırda-xırda doğrayın. Kartofu və çuğunduru sürtgəcdən keçirin. Ərzaqları boşqaba aralarına mayonez sürtməklə lay-lay düzün. Üstünə və yanlarına mayonez sürtün və nar dənələri ilə bəzəyin.
QIZARDILMIŞ ÇÖRƏK TİKƏLƏRİ İLƏ TOYUQ
1 ədəd toyuq
300 q ağ çörək
100 q toyuğun qaraciyəri
40 q baş soğan
100 ml mayonez
Duz, istiot
Çörəyi balaca kub şəklində doğrayın və toyuğun qaraciyəri ilə birlikdə tavada qızardın. Doğranmış baş soğanı əlavə edin, duz, istiot vurun. Toyuğun içini hazırlanmış qarışıq ilə doldurun, üstündən mayonez sürtüb sobada bişirin.
KƏSMİKLİ ZAPEKANKA
500 q kəsmik
6 x/q şəkər tozu
1/4 stəkan manna yarması
1 ədəd yoğurt (170-200 q)
2 ədəd yumurta
300 q giləmeyvə
Kərə yağı
Şəkər tozunu yumurta və kəsmik ilə köpüklənənə qədər çalın. Üstünə yoğurt, sonra manna yarması əlavə edib yaxşıca qarışdırın. Daha sonra giləmeyvələri töküb əzmədən ehmalca qarışdırın. Qaba kərə yağı sürtüb xəmiri tökün. 180 dərəcə qızdırılmış sobada 40-50 dəqiqə bərkiyənə kimi bişirin. | 
ilkin
:16:
Leman
ulvi zeynalli
