Bizimxeber.com saytına bu gün haker hücumu olub. Hücum nəticəsində portalın sistemi tamamilə dağılıb və bu səbəbdən fəaliyyətini dayandırıb. Bu barədə FaktXeber.com-a saytın baş redaktoru Ədil Hüseynli məlumat verib. Hüseynli bildirdi ki, hal-hazırda bu hərəkətin kimlər tərəfindən edildiyini araşdırırlar. Onun sözlərinə görə, məsələni bu şəkildə buraxmaq fikrində də deyillər. «Lazım gəlsə, bununla bağlı hüquq mühafizə orqanlarına müraciət edəcəyik». Xəbər Portalının rəhbəri onu da bildirdi ki, faktiki olaraq saytın fəaliyyətini bərpa etmək üçün çalışırlar. O qeyd etdi ki, proqramistlər vasitəsi ilə saytın yenidən yığılması istiqamətində işlər görülür və yaxın günlərdə bizimxeber.com fəaliyyətini bərpa edəcək |