Yəqin ki, təsadüfən xəyallarındakı kişiyə rast gələn və onun məhəbbətinə nail olmaq istəyən qadınlar az deyil. Belə xanımlar ağıl və cəsarətli olmaqla bərabər, həm də bütün xoş olmayan sürprizlərə hazır olmalıdır. Əgər istəyirsiniz ki, kişilər sizə aşiq olsun, əvvəlcə düzgün davranış taktikası seçin. Birinci, məşqdən başlamaq lazımdır. Əvvəlcə ürəkdən, səmimi gülümsəməyi öyrənin. Bir müddətdən sonra bu artıq sizin təbii təbəssümünüzə çeviriləcək. Lakin unutmayın ki, bu gülüş digərlərindən fərqli olacaq.
Psixoloq Dəyanət Rzayev səmimi gülüşün olduqca böyük rol oynadığını, əks cinsə müsbət təsir göstərdiyini deyir: "Çünki səmimi gülüşdə insanın hər bir cizgisi, gözlərinin içi, hətta burnunun ucu gülür. Həmin bu səmimi gülümsəmə ilə mütləq salamlaşıb, hal-əhval tutun. Məsələn, günün vaxtlarına uyğun "sabahın xeyir", "günortan xeyir", "axşamın xeyir" deməyi unutmayın. Bu cür salamlaşma avtomatik olaraq müsbət hisslər yaradır. Nəticədə hər dəfə o sizi düşünəndə, mütləq əhvalı dəyişəcək, sizi sevinclə yada salacaq. Artıq dəqiqələr sizin xeyrinizə işləyir".
Dəyanət Rzayev hal-əhval tutmağın da bu məsələdə müsbət rol oynadığını bildirir: "Hər tanıdığımızdan "necəsən, özünü necə hiss edirsən?" deyə soruşuruq. Amma sevgili insana deyəndə, sadəcə gözlər başqa ifadəni, həyəcanı göstərir. Baxırsan onun gözünə, bir balaca həyəcan varsa, demək sevgi də var. Güclü çinsin nümayəndəsi ilə arzularınızı bölüşməkdən çəkinməyin. Lakin bu fantaziyanızın məhsulu yox, reallığa çevirə biləcəyiniz arzularınız olmalıdır. Amma bilin ki, siz ona söz vermirsiniz, sadəcə istəklərinizi paylaşırsınız. Ürəyinizin dərinliyində isə sizin bu arzularınızı həyata keçirməniz üçün ondan kömək istəyirsiniz. Lakin bütün arzularınızı yox, müəyyən arzuları bölüşməyi məsləhət görürəm".
Psixoloq kişilərin kompliment eşitməkdən qadınlardan az xoşhal olmadıqlarını söyləyir: "Ona istədiyiniz qədər kompliment deyin. Sübut olunub ki, kişilərin ünvanına deyilən hətta "sən çox yaraşıqlısan, sən çox ağıllısan, mən hələ belə ağıllı oğlan görməmişdim, sən necə də hər şeyi düzgün edirsən, mənə düzgün yanaşırsan" kimi boş təriflər belə onu gündə ən azı iki dəfə sizi fikirləşməyə vadar edəcək. Əgər o hələ də sizə vurulmayıbsa, bilin ki, siz artıq onun diqqətini cəlb etmisiniz. Bütün bunlardan sonra onun darıxdığı, ünsiyyət qurmaq istədiyi və ya nəyisə sizinlə bölüşmək arzusunda olduğu anları tutmaq lazımdır. Və bu vaxt təsadüfən siz onun yaxınlığında peyda olursunuz. Bu zamansa siz mütləq əvəzedilməz, cazibədar, olduqca anlayışlı, onu dinləməyə hazır olmalı və kefini açmalısınız".//ANS Press
|
ilkin
barisinda
Məhəmmədəli
ulvi zeynalli
SeCReT
