Главная » 2011 » İyun » 24 » Suyu daşırmayan gül yarpağı ola bilmisənmi?
14:48
Suyu daşırmayan gül yarpağı ola bilmisənmi?
Hər kəs ona verilən ömrü bir cür yaşayır. Həm özünə görə yaxşı və ya pis, ya da başqalarına görə yaxşı və ya pis... Yaxşı yaşamağa çalışanlar yaxşılıqlarla yadda qalır. Özlərini ən xırda bir şeydə xoşbəxt hiss edirlər. Hər gələn günlərini daha xoş, daha gözəl qarşılayıb elə də yaşayırlar. Pis yaşamağa çalışanlar bunu pislik etməkdə görürlər. Kimisi oğurluq, kimisi kiminsə haqqına girmə, günah, əziyyət etmə və s. minlərlə cümlə qurmaq olar.
"Yaxşı" və ya "pis" yaşamağa çalışmasından asılı olmayaraq insanlar adə tən əlindəkilərlə yetinməyib, daha çoxunu istəyirlər. Bir məsəl var, "xəyal etmədiyimiz səadətə qovuşduqdan sonra onun bir "tikə"sini belə itirmək bizi pərişan edər" deyə... Həqiqətən elədir. Bu məsəlin yarandığı əhvalat belə bunu göstərir: Bir gün bir nəfər balaca uşağa alma verir, uşaq çox sevinir. Adam uşağa ikinci almanı verir, uşaq daha çox sevinir, üçüncü almanı verəndə az qala sevincdən dəli olur,dördüncü almanı alanda isə almalardan biri qucağından düşür. Bu dəfə uşaq düşən almaya görə ağlamağa başlayır. Həyat belədir...
Həzz aldıqlarımız deyil yaşamağı dəyərli edən, Yaşamaqdır, həzz almağı dəyərli edən.
Aza qane olmağı bacarmaq lazımdır. Əlində olanların qədrini bilmək lazımdır. Bunu insan psixologiyasının bacarması çətindir, sən bacar insanlar içində istisna ol. İnsanın mənimsəyə biləcəyi ən müsbət keyfiyyətlərdən biridir bu.
İnsana başqa bir tərəfdən baxaq. Ətrafa qarşı münasibət, ətrafdakılarla münasibət. Öz çevrəndəkilər, yaxınlarınla, dostlarınla, sevdiklərinlə münasibət. Özünüzdə aynada baxa bilin. Bu dediyimi unutmayın: Yalnız içinizdəki sizi əks etdirənlərə, içinidəki siz kimi olanlara təsir edə bilərsiniz. Digər insanların içindəki gözəllikləri görürsünüzsə, öz içinizdəki gözəlliyi kəşf etmisiniz deməkdir. Əgər hər kəs sizin üçün həyatı çətinləşdirirsə, o zaman bunu siz edirsiniz deməkdir.
Gözəl yaşayın, gözəl günlər, anlar yaşayın, gözəlliklərlə əhatələnin, sevdiklərinizlə mehriban münasibətdə olun, Yaxşı mənada yaxşı olun. Mənalı, gözəl ömür sürün. Həyatınıza mənfi təsir edənləri yoxa hesab edin, özünüz də başqasına "əngəl" olmayın... Dünyaya və dünyadakılara, ətrafınızdakılara mənfi təsir etməyin, pisliklər yox yaxşılıqlarla yadda qalın. Hər zaman olmasa da, çox vaxt çalışın gülümsəyin, buna ehtiyacı olanlar sizi "izləmiş" ola bilərlər. Fikir vermisinizmi, su ilə dolu qaba gül yarpağı atsanız suyun üzündə qalıb, suyu daşırmır. Bax siz də çalışın, suyu daşırmayan "gül yarpağı" olmağı bacarasınız:)
Bəs, bu günə kimi necə? Suyu daşırmayan "gül yarpağı" ola bilmisinizmi?
Lale
ilkin
Məhəmmədəli
Melek
Said
