SAMİR PİRİYEV ZƏRRİN ÖZƏRLƏ DUET OXUYACAQ

“Sən Türkünlərini söylə”nin iştirakçısı Türkiyə şou-biznesinə qatılacaq

Türkiyənin TRT-1 kanalında yayımlanan “Sən Türkünlərini söylə” yarışmasında Azərbaycanı təmsil etmiş ifaçı Samir Piriyev Türkiyənin məşhur sənətçisi Zərrin Özərlə duet oxuyacaq. Bu barədə S.Piriyev lent.az-a bildirib: “Yarışmanı tərk etdikdən sonra çox sayda təkliflər almışam. Lakin onların əksəriyyətini qəbul etməmişəm.
Çünki təkliflərin demək olar ki, hamısı Türkiyədə qalıb işləmək şərtilə irəli sürülüb. Mən Azərbaycandan kənarda qalıb işləyə bilmərəm. Lakin buna baxmayaraq, Türkiyə şou-biznesinə qatılmaq fikrindəyəm. Yaxın vaxtlarda Zərrin xanımla görüşüb, duet yazdıracağıq”.
Xatırladaq ki, “Sən Türklərini söylə” yarışmasında münsiflər heyətini təmsil edən Zərrin Özər Samir yarışmanı tərk edərkən buna aqressivliklə etiraz etmiş və onun ifasını yüksək qiymətləndirmişdi.