İslam inamına görə hər insanın bir ruhu vardır. Ruhların insan öldükdən sonra yaşadıqları yer "Bərzah aləmi" adlanır. Bərzah ərəb dilində iki şey arasında boşluq deməkdir. O, dünya ilə axirət arasında yer alan mənəvi bir aləmdir.
Seyid Əbdüləziz əd-Dəbbaq Bərzah aləmi haqqında demışdir:" Bərzah aləminin alt tərəfi dar yuxarı qalxdıqca genışlənən forması vardır. Bərzahın ən alt və ən dar yerı dünyanın mərkəzindəki atəş təbəqəsidir ki, buna Siccin deyilir. Bərzahın ən üst və ən genış hissəsi isə Bərzah Qübbəsi olub, Beytül Məmur adını almışdır.
Bərzah Qübbəsi əziz Peyğəmbərimizin məqamıdır. Bu məqamda həmçinin Peyğəmbərimizin təmiz zövcələri, qızları, oğulları, ilk dörd xəlifə, Allah yolunda şəhid olanlar vardır.
Yer üzünün yeddinci təbəqəsindən başlayıb göyü içinə alan Bərzahın ən alt təbəqəsində kafir ruhlar vardır. Siccin deyilən bu yerdə kafir ruhlar iki qrupa ayrılır:
1. Gözlərinə, qulaqlarına, ağzına, burnuna tikiş vurulub qapanmış və Allahın qəzəb pərdəsi arxasında qalmış kafir ruhlar.
2. Yalnız ğözləri qapanmayıb onlara hazırlanan əzabı görə bilən ruhlar.
Nə qədər günahkar olsa da heç bir mömin Bərzahın alt təbəqəsinə atılmaz. Yəni şiddətli əzab görənlərlə yüngül əzab görənlər arasında xəfif bir pərdə vardır. Bərzahda mömin ruhlar bir-birindən yararlanarlar, amma, kafir ruhlar mömin ruhlardan yararlana bilməzlər.
Bəs, ruhlarla görüşmək mümkündürmü?
Kafirlər kafir və mömin ruhlarla görüşüb danışa bilməzlər.
Möminlər də kafir ruhlarla görüşüb danışa bilməzlər. Qaranlıq və əzab pərdəsi bu görüşə əngəldir.
Möminlər yuxuda və oyanıq vəziyyətdə vəlilərin ruhları ilə görüşüb danışa bılərlər.
Möminlər vəlilik dərəcəsinə qalxmamış mömin ruhlarla ancaq yuxuda görüşüb danışa bilərlər.
Vəlilər isə həm yuxuda, həm də oyanıq vəziyyətdə ölmüş və yaşayan bütün ruhlarla görüşüb danışa bilərlər.
Ruhlarla əlaqə yaratmaq, ruh çağırma falları tamamilə səhvdir, cin və şeytan oyunundan başqa bir şey deyildir. Ruh çağirma bir cin çağırmadır.
Ruh adı altında gələn bədənsiz varlıq bir cindir.
Cinlərin böyük çoxluğu isə yalançıdır.
Allah bizi cin və şeytanların pisliklərindən qorusun
Leyla
Məhəmmədəli
Anonim
