Azərbaycan "Avroviziya-2009" müsabiqəsində Araşın mahnısı ilə təmsil olunacaq
Azərbaycan “Avroviziya 2009” mahnı müsabiqəsində əslən Cənubi Azərbaycandan olan məşhur bəstəkar və tanınmış ifaçı Araşın “Always” (Həmişə) adlı mahnısı ilə təmsil olunacaq. Ölkəmizi müsabiqədə təmsil edən 19 yaşlı Aysel Terymurzadə məhz bu mahnı ilə Moskvada keçiriləcək müsabiqədə Avropa tamaşaçılarının rəğbətini qazanmağa çalışacaq. Bu barədə "Avroviziya" müsabiqəsinin rəsmi internet saytı məlumat yayıb.
Qeyd edək ki, “Avroviziya-2009” müsabiqəsində Azərbaycan təmsilçisinin ifa etməsi üçün 30-a yaxın bəstəkar İTV-yə mahnı təqdim edib.
A. Teymurzadənin ifa edəcəyi mahnı isə 7 nəfərdən ibarət münsiflər heyəti tərəfindən seçilib. (İTV-nin baş direktoru İsmayıl Ömərov, Bakı Musiqi Akademiyasının rektoru Fərhad Bədəlbəyli, Azərbaycan Mədəniyyətinin Dostları Fondunun icraçı direktoru İbrahim Quliyev, Beynəlxalq Musiqi Şurasının Azərbaycan Milli Musiqi Komitəsinin prezidenti Lalə Kazımova, Azərbaycan Dövlət Filarmoniyasının direktoru Murad Adıgözəlzadə, Mədəniyyət və Turizm Nazirliyinin sektor müdiri Mənzər Nurəliyeva və Gənclər və İdman Nazirliyinin nümayəndəsi Fərhad Hacıyevdən)
Araş hazırda İsveçdə yaşayır. O, ilk albomunu 2005-ci ildə buraxıb. Araş "Pure Love", "Donya" və "Boro Boro" kimi məşhur mahnıların müəllifidir. /ANS PRESS/ |
Leyla
Lider
Gunel
Anonim
seker
