2008-ci ilin mayında ordudakı zorakılıq və  özbaşınalıq hallarına etiraz əlaməti olaraq Azərbaycan tərəfinə keçmiş Ermənistan ordusunun əsgəri  Paruyr Stepanyan arzusuna uyğun olaraq  üçüncü ölkəyə təhvil verilərkən ANS-ə eksklüziv müsahibə verib.  Azərbaycanda  qaldığı müddətdə çox xoş bir il keçirdiyni qeyd edən erməni əsgəri günlərinin necə keçdiyni hiss etmədiyni deyir: «Mənimlə məşğul olan insanlar elə şərait yaratmışdılar ki,  qapalı yerdə olduğumu  hiss etmirdim.  Mənim üçün xüsusi bir proqram tərtib etmişdilər və  elə bu proqram əsasında da məşğul olurdular.  Mən televizora baxır,  gəzirdim. Yeməyi də o qədər verirdilər ki yeyə bilmirdim».
Azərbaycana gələndə 48 kiloqram çəkisi olan  erməni əsirin çəkisi son günlər  72 kiloqrama çatıb.  Paruyr Stepanyan Ermənistandakı çağırışçı gənclərə ismarış da ünvanlayıb: «Heç nə barədə düşünmədən Azərbaycana gəlsinlər. Mən artıq azərbaycanlıların qonaqpərvərliyini bilirəm.  Burada nə qədər qonaqpərvər insanlar var. Bura gəlsələr, onlar istədiklərini alacaqlar.  Mən buna yüz faiz  əminəm.
Mən Ermənistandakı bütün gəncləri başlarını götürüb qaçmağa çağırıram.  Çünki onları məcburi şəkildə  orduya, Qarabağa aparacaqlar.  İnsanlar vuruşmaq istəmirlər. Mən Ermənistanda yaşamışam. Orada nələrin baş verdiyni bilirəm.  İnsanlar müharibə haqqında düşünmürlər. Ermənistanda yaşayan qarabağlılar hamısı İrəvana toplaşıblar. Qarabağ erməniləri köklü erməniləri məhv edirlər, öldürürlər. Çünki başda oturan Qarabağ ermənisidir. İnsanlar başa dşürlər ki, bu cür ölkədə yaşaya bilməzlər»   
Paruyr Stepanyan belə qənaətdədir ki, insanlar gələcəkləri ilə bağlı qərar qəbul etməli və silahlarını tullayaraq işğal altındakı  torpaqları  öz həqiqi sahiblərinə  qaytarmalıdırlar. O, Ermənistanda yalnız bundan sonra inkişafın olacağına inanır.  Paruyurun hansı  ölkəyə getdiyinə gəldikdə isə bu  gizli saxlanılır.  Erməni əsir bununla bağlı sualımızı cavabsız qoyub: «Mən bu suala cavab verə bilmərəm.  Bu mənim təhlükəsizliymlə  bağlıdır.  Məndən də yaxşı bilirsiniz ki, dünyada «ASALA» adında erməni terror təşkilatı fəaliyyət göstərir. Mən ona görə də təhlükəsizliyimdən narahatam»
Paruyr Sarkisyan ona sığınacaq verdiyinə və üçüncü ölkyə getməsinə şərait yaratdığına görə Azərbaycan rəhbərliynə təşəkkür edib. /ANS PRESS/