Söhbəti nədən başlamalı. Qarşı tərəfin səni dinləməsi vacibdir.
1-ci addım
Optimistik yanaşma
Bəzi insanlar üçün üzr istəmək çox çətindir. Məhz buna görə də onlar 'günahsız' obrazına girməyi üstün tuturlar. 'Məgər nəsə olub? Bu söhbət çoxdan bağlanıb.' sözləri ilə vəziyyətdən çıxış yolu axtarırlar.
Universitetdə sevgilini gördüyün zaman, yüksək əhvalla salam verib ' bu gün əla görünürsən. Yaman acmışam, bəlkə birlikdə yemək yeyək' sözləri onun ürəyini yumşaldacaq. Daha sonra isə heç nə olmamış kimi söhbətə davam edə bilərsən.
Lakin bu metod hər zaman əlverişli deyil. çünki ciddi vəziyyətlərdə problem həll olunmamış qalır. Bu inciklik onun qəlbində qalacaq və müəyyən məqamlarda bu inciklik üzə çıxa bilər. Bu zaman xoşagəlməz sözlər də eşidə bilərsən. Bu cür sürprizlərlə qarşılaşmaq istəyirsən? Unutma ki, problemi araşdırmadan sən daha çox qarşı tərəfin hisslərinə hörmətsizlik edirsən. Hətta sevdiyin kişi qürurunu sındırmayıb heç nə olmamış kimi rəftar etsə belə. Vaxt tapıb 'mən çox narahat idim, xahiş edirəm səni incitdimsə, məni bağışla, heç də xətrinə dəymək istəmirdim' sözlərini demək sənin üçün sığortadır.
2-ci addım
Gənclər arasında sms və elektron məktub daha çox dəbdədir. Belə demək lap yerinə düşər ki, bu cür anlarda o metodlardan istədiyin qədər faydalana bilərsən.
Məktub yazdığın zaman kiminsə gözlərinə baxma və ya utanma kimi hisslərdən tam azadsan, sözünü heç kim kəsmir və istənilən sözü yazmaqda tam azadsan. Məktubu yazdın, 'enter' düyməsini basdın , artıq qarşı tərəfdən cavab gözləyirsən.
Cavab gəlməsə?...
Narahatlığa indi səbəb var. Bəlkə cavab yazmağa vaxt olmayıb? Bəlkə də, yazdığın sözlər ona inandırıcı gəlməyib. O zaman sonuncu addıma müraciət etməli olacaqsan.
3-cü addım.
Bu addım son dərəcə sadədir. özündə güc topla, ona yaxınlaş ( və ya zəng et). Əmin ola bilərsən ki, hər bir ağıllı insan ( hətta uşaqlar belə) üzr istəməyin elə də asan olmadığını yaxşı bilir. özündə güc tapıb ilk addım atmağın isə artıq sənin xeyirinə danışır.
Hündürdən danışıb, süni cümlələrdən uzaq ol. Başa sal ki, onun hisslərinə toxunmaq istəməmisən. Müxtəlif fikirlərdə olsanız belə, ortaq məxrəcə gəlməyi bacarın. Hərənin öz fikrində qalması da yaxşı münasibətə əngəl olmamalıdır.
Əgər sənin hərəkətin xoşagəlməz nəticələrə gətirib çıxarıbsa, vəziyyəti düzəltmək üçün düzgün yol fikirləş. Bəlkə sözlərdənsə artıq hərəkət etmək vaxtıdır.
üzrxahlıq qəbul olundu. Lakin hiss edirsən ki, inciklik tam keçməyib. Sənə qarşı inam itib. Göstərmək lazımdır ki, sən həqiqətən münasibətin düzəlməsini istəyirsən. Bir müddət çox diqqətli və dəqiq ol, hər zaman ona dəstək olmağa çalış. Unutma, əgər sevginiz qarşılıqlıdırsa bütün problemlərin öhdəsindən gələcəksiniz.