Главная » 2009 » Aprel » 9 » Celik:Turkiyede meni olumle hedelediler
19:18
Celik:Turkiyede meni olumle hedelediler
Çelik:"Türkiyədə məni ölümlə hədələyirlər" ÇELİK:HADİSƏLƏRİN UNUDULMASI ÜÇÜN SERAY SEVERDƏN İSTİFADƏ ETDİM ÇELİK AZƏRBAYCAN VƏTƏNDAŞI OLMAQ ÜÇÜN ƏLAQƏDAR QURUMLARA MÜRACİƏT EDİB XEYLİ müddətdir ki, Bakıda yaşayan türk müğənnisi Çelik Azərbaycan vətəndaşı olmaq üçün əlaqədar qurumlara müraciət edib. "Ergenekon"da adının hallanması ilə bağlı bir çox problem yaşayan, hazırda da həmvətənləri tərəfindən suçlanan Çelik bu barədə Türkiyənin "Hürriyyət" qəzetinə verdiyi müsahibədə deyib. - "Ergenekon"da İhsan bəy öldürüldüyü zaman həyat yoldaşım Buket 7 aylıq hamilə idi. İhsan Güvənin öldürülməsi ilə əlaqədar olaraq bizi tez-tez hədələyirdilər. Bu arada mənə bir proqramda çıxış etmək təklifi gəldi. Veriliş olduqca iyrənc idi, amma adımın istəmədiyim məsələlərdə hallanmaması üçün bunu qəbul etdim. Veriliş türk aparıcısı Seray Severin idi. O, bu arada albom çıxarmaq istəyirdi. Amma məlum hadisə ilə əlaqədar olaraq ona dedim ki, sənə albom çıxarmaqda kömək edəcəm. Bu ərəfədə bizim birlikdə olmağımızla bağlı mediada xəbərlər gəzib-dolaşdı. Bu şayiənin çıxmasında Serayın rolu vardı. Lakin buna baxmayaraq, ona bir söz demədim, haqqımda yayılan "Ergenekon" məsələsinin səngiməsi üçün onun məndən bu cür istifadə etməsinə icazə verdim. Düşünürəm ki, onunla adımın hallanması ailəmin təhlükəsizliyinin qorunmasına şərait yaratdı. Lakin bu söz-söhbətlər Buketlə mənim aramda böyük narazılıq yaratdı. Məsələ ilə bağlı Seray onu proqrama çağırdı. Həmin anda Seray ona yalan danışdı. Bildirdi ki, biz Çeliklə evlənmək niyyətindəyik, hətta uşağımız da olacaq. Mən isə Buketə zəng edib baş verənlərə aydınlıq gətirmək istəsəm də, o, "sənə nifrət edirəm" deyib, dəstəyi asdı. Bu sözlər məni çox incitdi. Çünki mənim Buketlə barışmaq firkim var. Bundan sonra susmayacam, Çünki artıq Serayın söylədiyi şayiələrə tab gətirə bilmirəm. Bu dəfə heç bir şeyə baxmadan onu əzib keçəcəm. - Siz uzun zamandır ölümlə hədələnirsiniz. Bu, nəinki sizə, deyəsən, ailənizə də çox əziyyətlər yaşadıb. - O ərəfədə Buketdən çox narahat idim, çünki mənə sual verdi ki, bizim sonumuz nə olacaq? Səni də öldürəcəklərmi? Sənə bir şey olsa, mən nə edəcəm? Xəbərləri isə güzlətmək mümkün deyildi. Bütün qəzetlər bu barədə yazırdı, ona görə də hadisələrdən xəbəri vardı. Sonra bizi hədələyirdilər, izləyirdilər. Hətta evi də araşdırırdılar. Elə günlər olurdu ki, sabaha qədər yata bilmirdim, nə edəcəyimi düşünürdüm. Ona görə də təhlükəsizliyimi təmin etmək üçün üzərimdə odlu silah gəzdirirdim. Evdə yaşanan bu narahatçılıq Buketin səhhətində problem yaradırdı. Ona görə də uşağın sağlam olması və böyüməsi üçün ondan boşandım. Hətta bu hadisələrin unudulması üçün Seray Severdən istifadə etmək qərarına gəldim. - "Ergenekon" soruşturmasında İhsan Güvən və Necip Hablemitoğlu öldürüldüyünə görə bütün gözlər sizə dikildi. Hətta hədələndiyiniz üçün Azərbaycanı seçdiyiniz də söylənilir. - Əslində "Ergenekon" iftira kampaniyasıdır. Belə bir təşkilat olduğuna inanmıram. Kaş bu ölkədə doğrudan da bir "Ergenekon" olaydı. O zaman düşünmədən qatılardım. - Bəs bundan sonra nə etməyi düşünürsünüz? - Mütləq siyasətə atılacağam və dövlət içərisində etibar qazanacam. Çünki ölkənin mənim kimilərinə ehtiyacı var. Bu fikirləri kitab yazan, dostları öldürülən, təhdid altında yaşayan, öldürülmədiyi üçün günahkar sayılan biri olaraq deyirəm. 2002-ci ildən bəri susuram, quş qədər savadı olmayan insanlarla üz-üzə gəldim. İnternet saytlarında məni faşist adlandırdılar, PKK ya gizli pul dəstəkçisi olduğumu yazanlar, ateist olduğumu deyənlər oldu. Amma mən susdum. İhsan bəyin xatirinə Ayşe Ersoy ilə bağlı heç bir söz söyləmədim. Bunun müqabilində mənə "niyə ölmədin" deyə sual verirlər, "Sizə bu ölkədə yer yoxdur" deyirlər. - Siz onsuz da Azərbaycanda yaşayırsınız, elə deyilmi? - Bəli, çünki bu günə qədər məni hədələyirlər. Türkiyədə yaşamaq mənim üçün çətindir. Oğlumdan, sevdiyim qadından ayrıldım. İndi də ölmədiyim üçün məni günahlandırırlar. Bundan da böyük bir problem ola bilərmi? Ona görə də Azərbaycan Respublikasının vətəndaşı olmaq üçün əlaqədar qurumlara müraciət etmişəm.
