282: Paytaxtda "Amalı” adı ilə fəaliyyət göstərən mağazalar şəbəkələri bir-birinin ardınca bağlanmaqdadır. Səbəbi isə "Almalı”ların iri holdinqlərə borclarının yaranmasıdır. 282.clan.su xəbər verir ki, bu barədə "Azadlıq" qəzeti məlumat yayıb. Belə ki, xəbərə görə, mağazalar şəbəkələrinə, xüsusilə yerli istehsalçılardan alınan malların pulları təchizatçılara ödənilməyib. Nəticədə son iki ayda holdinqlər "Almalı”lara mal verilişini dayandırıblar. Vitirinləri boş qalan şəbəkənin isə iki yolu qalıb – ya iflas olduğunu elan etmək, ya da borclarını qaytarmaq. Əldə etdiyimiz məlumatlara görə, borclar o qədər böyükdür, onların qısa müddətdə qaytarılması mümkün deyil. Təkcə holdinqlərdən birinə 2 milyon manat borc var. Mənbə deyir ki, borcun yaranması heç də "Almalı”ların satış imkanlarının zəifliyi, alıcıların sayının azlığı ilə bağlı deyil. Əksinə, hesablamalara əsasən hər gün "Almalı” marketlərdən 30 000 alıcı istifadə edir. Sadəcə "Almalı”ların məxsus olduğu ADA-Ticarət Qapalı Səhmdar Cəmiyyəti satışdan gələn pulları mənimsəyib. Nəticədə nəinki holdinqlərə, banklara da borc yaranıb. Vəziyyətdən çıxış yolu kimi ilk əvvəl xərclərin azaldılması qərara alınıb. Və işçilərin sayı azaldılıb. Sonra mağazaları bağlamağa başlayıblar. Məlumat üçün deyək ki, ADA-Ticarət QSC "Almalı”adı altında ölkə ərazisində 350-600 kvadratmetr ticari sahəyə malik "ekonom” klass tipli 40-a yaxın mağaza açıb. "Almalı”lar yeni yaradılanda şəbəkənin böyük reklam kampaniyası aparılmışdı. Hətta son üç ildə almalımarketlər ölkənin ərzaq sektorunda ən böyük təşkilatlanmış ərzaq pərakəndəçisi sayılırdı. ADA-Ticarət QSC 200-dən çox yerli və xarici təchizatçı ilə, o cümlədən istehsalçı ilə işləyirdi. Şəbəkələrdə müştərilərə 3500 adda məhsul (80 faiz ərzaq, 20 faiz qeyri-ərzaq) təklif edilirdi. Onu da bildirək ki, ADA-Ticarət QSC-nin İdarə Heyətinin sədri Rəfail Hacıyevdir. 1960-cı ildə Kəlbəcər rayonunda anadan olan R.Hacıyev 1993-1995-ci illərdə Azərbaycan Respublikası Səhmdar Kommersiya Əmanət bankının İdarə Heyətinin sədri olub. 1997-2003-cü illərdə Beynəlxalq Bankının Sumqayıt filialının müdiri işləyib. Məlumatlara əsasən şirkətin əsl sahibi Beynəlxalq Bankın keçmiş prezidenti Fuad Axundovun qardaşı Pərvin Axundovdur. Bu arada ADA-Ticarət Azərbaycan Sahibkarlar Konfederasiyasının üzvüdür. R.Hacıyev ASK-nin İdarə Heyətinin sədridir |