Braziliyalı həkimlər cərrahiyyə əməliyyatı yolu ilə bədənində 50-yə yaxın polad iynə olan ikiyaşlı uşağın həyatı üçün təhlükəni aradan qaldırıb. Onun ağciyərində və ürəyə yaxın təhlükəli yerlərdəki dörd ədəd 5 santimetrlik iynə çıxarılıb.
Uşağın müalicə olunduğu hospitalın mətbuat xidmətinin məlumatına görə, cərrahiyyə əməliyyatı üç saata yaxın davam edib. Həkimlər əməliyyatın altı saatadək uzana biləcəyini proqnozaşdırırdılar. Hazırda uşağın vəziyyəti sabitdir. Amma onun bədinəndə hələ onlarla iynə qalmaqdadır.
Xatırladaq ki, qarnında ağrılar hiss edən uşağı xəstəxanaya anası gətirib. Rentgen zamanı onun həzm sistemində 17 iynə aşkarlanıb. Daha dəqiq araşdırmalardan sonra məlum olub ki, uşağın bədənində 50-yədək polad iynə var. İynələri uşağın bədəninə "qara magiya” ritualı zamanı atalığı yeridib.
|