Azərbaycan Milli Elmlər Akademiyasının üzvü, seysmoloq Elçin Xəlilov zəlzələ ilə bağlı qorxuducu proqnoz verib. Zəlzələni 85 faiz əvvəlcədən xəbər vermək qabiliyyətinə malik sistem yaradan seysmoloq 3 il sonra dünyada böyük seysmik fəallığın yaşanacağını bildirib. "Dünyada 2010-cu ildən başlayaraq seysmik fəallıq artacaq. Bu fəallıq 2013-2015-ci ildə yüksək həddə çatacaq. Dünyadakı bütün gərginlik mərkəzləri boşalacaq, bu da dünyanın 80 faizində zəlzələ olacağı deməkdir.
İstanbul, İzmir, San-Fransisko, Los-Anceles, Almata, Meksika kimi şəhərlərdə güclü zəlzələ riski var. Çin, İndoneziya, Yaponiya da risk altındadırlar. Bu ilin sonunda hamı bunu görəcək. Dünyanın geoloji quruluşunda ciddi dəyişiklər olacaq. Günəşdə öz fəallığını göstərəcək".
O, dünyanın 16 ölkəsinin mütəxəssislərinin bir ay içərisində həm BMT-ni, həm də dünya ictimaiyyətini bu barədə məlumatlandıracağını deyib.
Məlumata görə, E.Xəlilov özünün yaratdığı sistemi indi Türkiyədə qurmaq üçün danışıqlar aparır. Seysmoloq "atropatena" adlı cihazın mövcud sistemlərə görə, daha həssas olduğunu və dəqiq ölçmə aparmaq qabiliyyətində olduğunu bildirib. O, 2000-ci ildə Bakıda və 2008-ci ildə Çində baş verən zəlzələləri əvvəlcədən müəyyən etdiyini qeyd edib. "Çihaz Çenevrədə patent alıb. Bu yeni elmi kəşfdir".
_____________________
Mənbə : AnsPress
|
SeCReT
Ilqar
