Ermənistanın işğal altında saxladığı 7 rayondan biri olan Kəlbəcərdən bu ilin sonuna qədər geri çəkilə biləcəyi ilə bağlı məlumat yayılıb. Türkiyə mətbuatının məlumatına görə, dünən Münhen şəhərində iki ölkə prezidentinin görüşündə Ermənistan tərəfi bildirib ki, həm Azərbaycanın mövqeyini yumşaltmaq, həm də Türkiyə hökumətinin "açılım"a dəstəyini qorumaq üçün Dağlıq Qarabağ ətrafında işğal altında saxladığı yeddi rayondan biri olan Kəlbəcərdən bu ilin sonuna qədər çəkilə bilər.
Qeyd edək ki, İlham Əliyevlə Serj Sarkisyanın sonuncu görüşü dünən Münhen şəhərində Fransa konsulluğunda baş tutub. Görüşdə hər iki ölkənin xarici işlər nazirləri, ATƏT-in Minsk Qrupunun həmsədrləri, ATƏT-in fəaliyyət olan sədrinin şəxsi nümayəndəsi Anjey Kasprşik iştirak edib.
Xatırladaq ki, Azərbaycan prezidenti bildirmişdi ki, Münhen görüşü həlledici olmalıdır. "Bu görüş danışıqlar prosesində həlledici rol oynamalıdır. Çünki bu il bir neçə dəfə görüşlər oldu, onların heç bir nəticəsi olmadı. Əgər bu görüş nəticəsiz qalsa, onda danışıqlara ümidlərimiz tükənəcək. Danışıqlara ümidimiz tükənsə, o zaman bizim başqa yolumuz qalmır. Biz buna da hazır olmalıyıq. Son illər ərzində ordu quruculuğunda görülən işlərin təbii ki, məqsədi var. Biz milyardlarla vəsait xərcləyirik, ordumuzu gücləndiririk, yeni silahlar alırıq, texnika alırıq, təmas xəttində öz mövqelərimizi gücləndiririk. Bunu ona görə edirik ki, biz bu variantı heç vaxt istisna etməmişdik və etmirik də. Bizim tam hüququmuz var ki, öz torpaqlarımızı hərbi yolla azad edək”. Azərbaycan prezidentinin sözlərinə görə, beynəlxalq hüquq normaları ölkəmizin bu hüququnu tanıyır. /282/
|
ILKIN
VÜSAL
secret
Ilqar
