282: ABŞ prezidenti Barak Obama ilə qonşu olmaq Çikaqo sakininin işinə yarayıb. 282.clan.su "Associated-press"-ə istinadən xəbər verir ki, agentliyinin məlumatına görə, bu şəxs prezidentin qonşuluğunda yerləşən evini dəyərindən 40 dəfə baha qiymətə satmağa nail olub. 17 otaqdan ibarət olan bu bağ evi prestijli Saus-Sayd rayonunda yerləşir. Satışa çıxarılandan 7 ay sonra isə həmin bağ evi 1,4 milyon dollara satılıb. Evin əvvəlki sahibləri Qrimpşou ailəsi həmin mülkü 1973-cü ildə cəmi 35 min dollara alıb. Obama prezident seçildikdən sonra isə ailə evi ilkin qiymət göstərmədən satışa çıxarıb. İlkin qiymətin göstərilməməsində isə məqsəd Obama ilə qonşuluğun onun evinin satılmasına nə dərəcədə təsir edəcəyini öyrənmək olub. Adının açıqlanmasını istəməyən yeni sahiblər isə köklü şəkildə təmir-bərpa işləri apardıqdan sonra evə köçmək niyyətindədir. Bununla yanaşı, onlar bildiriblər ki, bu evi məhz ABŞ prezidenti ilə qonşuluqda yaşamaq üçün almayıblar. "Əksinə, aldığımız bağ evi Obamanın mülkündən bir qədər aralıda olsaydı, daha yaxşı olardı. Lakin bu, şəhərimizdə tapdığımız yığcam və çox rahat bir bağ evi olduğu üçün onu almağa üstünlük verdik", - deyə yeni sahiblər bildiriblər. Qeyd edək ki, Obamanın qonşuluğunda yaşamaq artıq indidən onun sahiblərinə problemlər yaratmağa başlayıb. Belə ki, xüsusi xidmət orqanları evin yerləşdiyi küçəyə gələn hər bir şəxsdən şəxsiyyət vəsiqəsi istəyirlər. Barak Obama və ailəsinin buraya gəlişi zamanı isə şəhərdə təhlükəsizlik tədbirləri xeyli gücləndirilir. Lakin Obama prezident sesçildikdən sonra Çikaqodakı mülkinə çox nadir hallarda gəlir. Sonuncu dəfə o, burada keçən ilin yayında olub. Onu da bildirək ki, Obama ilə ünsiyyət və ya ona yaxın olmaq ilk dəfə deyil ki, belə şəxslərin işinə yarayır. Prezident Havay adalarında olarkən ailəsi ilə birlikdə dondurma aldığı dükanın sahibi də bu olaydan sonra xeyli varlanıb.
|
Məhəmmədəli
SeCReT
