Главная » 2011 » Mart » 19 » Pensiyaya çıxmaq üçün işgəncə çəkən böcəklər (VİDEO)
12:18
Pensiyaya çıxmaq üçün işgəncə çəkən böcəklər (VİDEO)
Amerikalı alimlər tarakanları pultla idarə etməyə müvəffəq olublar. "AOL News”un xəbərinə görə, "Backyard Brain” adlı şirkətin əməkdaşları tarakanın üzərinə mikro-cihaz yerləşdirərək onu istədikləri tərəfə istiqamətləndirirlər. Tarakanların bığcıqları ilə istiqamətlərini dəyişdirdiyini bildirən alimlər sistemin də buradan istiqamətənərək yaradıldığını deyib.
Qeyd edək ki, böcəyin üzərinə yerləşdirilən cihazın bığcıqlarına elektrik verilməsi nəticəsində tarakanın hərəkət istiqamətini müəyyənləşdirmək mümkün olur.
Şirkətin təsisçilərindən olan Qreq Qeyc bu ixtiranın gələcəkdə alsqeymer xəstəliyi üçün təsirli müalicənin inkişafında rol oynayacağını bildirib.
Heyvan hüquqları müdafiəçiləri isə yeni ixtiranı kəskin reaksiya ilə qarşılayıb. Hüquq müdafiəçiləri böcəklərə elektrik verilməsini və onların üstünə cihaz qoyulmasını işgəncə kimi qiymətləndirib.
Şirkət isə təcrübədə istifadə olunan böcəkləri yaxşı bir pensiya həyatı gözlədiyini bildirib. Qeyc bu böcəklərin pensiyaya çıxarıldıqdan sonra balalamaqlarına icazə veriləcəyini və təzə göyərti ilə bəslənəcəklərini deyib.