Pişiklər də oteldə dincələcək Beş ulduzlu oteldə heyvanlar üçün xüsusi menyu olacaq
İngiltərədə pişiklər üçün beş ulduzlu otel açılıb. Altı böyük otağı olan oteldə otaqların qiyməti bir pişik üçün 15-19 funt sterlinq arasında dəyişir. Hər ikinci heyvana görə, qiymətdə endirim edilir. Oteldə qalacaq pişiklər üçün göstəriləcək əlavə xidmətlər bu qiymətə daxil deyil. Belə ki, axşam yeməkləri üçün gündə 3,5, qulaqlara və gözlərə qulluq 7,5, əlavə qulluq haqqı isə 15-22 funt sterlinqdir.
Otel işçiləri həftədə 3 dəfə "müştəriləri"nin şəkillərini pişik sahiblərinə e-mail vasitəsilə göndərəcək.
Qeyd edək ki, oteldə özəl baytarlar xidmət göstərəcək. Burada pişiklər üçün özəl menyu hazırlanacaq ki, menyuda olan qidalar xüsusi yemək dəstlərində pişiklərə təqdim ediləcək. Heyvanlar üçün hazırlanacaq qidalarda heç bir əlavə qatqı maddəsindən istifadə edilməyəcək. Menyuda üstünlük isə balıq, toyuq qaraciyəri, toyuq suyu şorbası, yumurta təşkil edəcək.
|