10 iyun Azərbaycanın Milli qəhrəmanları Bəxtiyar Allahverdiyev və Şikar Aslanovun doğum günüdür. Qarabağ Azadlıq Təşkilatından ANS PRESS-ə verilən məlumata görə, Bəxtiyar Əzizağa oğlu Allahverdiyev 1974-cü il iyunun 10-da Bakı şəhərində anadan olub. O, 1992-ci il Milli Ordunun sıralarında hərbi xidmətə başlayıb, Füzuli, Murovdağ əməliyyatlarında, Qubadlının müdafiəsində, 1994-cü ildə Tərtər və Ağdərə istiqamətində ağır döyüşlərdə iştirak edib, qəhrəmanlıqla vuruşub. Hazırda polis sıralarında çalışır.
Şikar Davud oğlu Aslanov 1970-ci il iyunun 10-da Cəbrayıl rayonunun Süleymanlı kəndində anadan olub. O, 1990-cı ildən Cəbrayıl rayonunda milis (polis) sıralarına daxil olub, doğma rayonun və yaxın ərazilərin müdafiəsində fəal iştirak edib, 1992-ci ilin iyun ayında Sur kəndi uğrunda döyüşlərdə xüsusi fərqlənib, idarə etdiyi Döyüş maşını ilə düşmənin bir neçə atəş nöqtəsini məhv etməklə döyüşün taleyini həll edib. O, 1992-ci il iyulun 2–də "Şayaq” əməliyyatı zamanı başından yaralanır və həlak olur. Doğulduğu Süleymanlı kəndində dəfn edilib, kəndin orta məktəbi onun adını daşıyır |
ilkin
Leyla
Məhəmmədəli
