Qısqanclıq
Sənə baxdığım zaman gözlərim qamaşır. İncə bir külək əsir saçlarının arasından, bütün dənizlər deli olur .. minlərlə günəş parlayır gözbəbəklərində.. sənin işığın elə parlaq ki səmadakı utancından əriyir Qəlbin elə təmizki saf su belə sənin yanında tab gətirə bilmir,aşıb daşır.
Sənə toxunduğum zaman sudan keçər kimi əllərim, sənin ağlığınla təmizlənir. Ürəyimin içindən çaylar axır. Sənə toxunduğum zaman nəfəs ala bilmirəm, nəfəsim kəsilir. Sənə toxunduğum zaman dəyişilirəm.. bütün rənglər yenilənir.Həyat sanki yalnız səndən ibarətmiş kimi olur mənim aləmimdə.Sən gözlərimə işıq verirsən.Dodaqlarımın da gülümsəməsi səndən asılıdı. Sənə baxanda sanki o gözəlliklər məkanı olan cənnəti görürəm.
Bir masanın başında oturursan, əlində çay stəkanı. Deyək ki çay içirsən. Sənin oturduğun masa birdən məna qazanır. Çay daha ləzzətli, masa daha sevimli, olduğun otaq dinclik verir. Sənin olduğun hər yer gözəlləşir.
Sən getdiyin zaman basdığın quru torpaqda çəmən bitir, ətrafında güllər açır. Quşlar havalanır sevinclə mavi səmaya. Sənin əl sürdüyün yerdən bərəkət fışqırır.
Ah sevgilim.. ürəyimin atəşi, başımın tüstü uca dağı, dinim qədər imanım qədər güvəndiyim ey gözəl insan.. səni kimsə mənim gözlərimlə görmür. Sənə sıravi biriymişsən kimi,üzünə belə baxmadan bir söz söyləyir, cavabındakı sirri fərq etmir.Sənə adi biriymişsənki kimi baxırlar. Səninlə qurulan cənnət veclərinə deyil.. Amma sənin üzünə baxırlar, onlara gülümsəyirsən, səni çağırırlar səs etmirsən. Verdiyin nemətin fərqində deyillər.Sənin necə böyük zirvədə olduğunu bilmirlər. Mən sənə nə üçün onlarla bərabərsən deyə soruşmuram. Amma onlar sənin dəyərini bilmirlər.
Bunun adı qısqanclıqsa bəli.. Səni qısqanıram.. Amma bu, sənə layiq olmayanların laqeydliyindən qaynaqlanır. Kimsə səni olduğun yerdən bir santimetr aşağıda görə bilməz, görməməli.. Bax o zaman dəli oluram. Sənə uzanan əlləri qırmaq, sənə baxan gözlərə mil çəkmək istəyirəm.Səni hərşeyə,hamıya qısqanıram.Bu kiminsə laqeydliyindən əlavə də səni kimsəylə bölüşməməklə də qaynaqlanır...
Sən burada, mənim dünyamda, təksən, çatılmazsan. Sənə çatdığını sanan hər kəsə lənət edirəm. Çünki onlar səni mənim gözümlə görmürlər.
Sən mənim gözümdə çatılması ən uca olan zirvədəsən,hansıki mən o gözlə sənə baxıb o zirvəyə qalxmışam... |
night
Ilqar
