Qəlbim öz səhvinə çoxmu yanacaq;
Niyə bəs qədrini bilmədim onda?!
Axır qiymətini tapdım mən ancaq,
Səni itirmişdim onu tapanda...

Getdin... bu gedişdən nə düşdü mənə?
Neçə lal hıçqırıq gözlərimdədir.
İlk sözü dodağın demişdi mənə,
Son sözü yaşaram gözlərin dedi.

Gərək bu günümü görəydin özün
Həsrətin yaş gəlib yaşımın üstə.
Bir ac qağayıya dönüb son sözün
Hərlənir tufanlı başımın üstə...

Hər ürək bir ocaq, hər ürək nəğmə
Nəğməm alışıbdır, tüstülənibdir.
Mənə elə gəlir hər kövrək nəğmə
Sənin son sözünə bəstələnibdir...

İndi məhəbbətim həsrət dənizi,
Orda dalğaların yarışlı başlar.
Tutular göylərin mavi dənizi
Sonra da son sözün yağışı başlar.....

BU DA MƏNİM SONUNCU XƏBƏRİM...