Blutuza alternativ hazırlanıb. Bu "TransferJet” texnologiyasıdır. 2008-ci ildə hazırlanan bu texnologiya məlumatı simsiz interfeys vasitəsilə saniyədə 560 meqabit sürətilə ötürür. Bir müddət əvvəl "Sony” şirkəti "TransferJet”i dəstəkləyən seriyalı çipi təqdim edib. Çiplər "CXD3267AGG” və "CXD3268AGW” adlanırlar. Qiyməti 17 dollar olan bu çiplər artıq satışa çıxarılıb.
Onların müxtəlif mobil avadanlıqlarda, eləcə də kompüter, foto və video kameralarda istifadə ediləcəyi nəzərdə tutulub. Bu böyük həcmli informasiyaları bir qurğudan digərinə asanlıqla ötürməyə kömək edir.
Ancaq bu texnologiyanın da bir mənfi cəhəti var. Belə ki, "TransferJet”in fəaliyyət radiusu o qədər də böyük deyil. İnformasiyanın ötürülməsi üçün iki cihaz bir-birindən cəmi bir neçə sm aralıqda yerləşdirilməlidir.
Qeyd edək ki, hazırda "TransferJet”i 19 şirkət dəstəkləyir. Bunlar "Sony”, "Canon”, "Nikon”, "Samsung”, "Casio”, "Kodak”, "Olympus”, "NTT DoCoMo”, "Softbank Mobile”, "Toshiba” və "Sony Ericsson”dur.
Bu firmaların avadanlıqlarında tezliklə bu simsiz şəbəkənin tədbiqinə başlanılacağı gözlənilir.
|