Ukraynanın İzyum şəhər şurası erməni icmasının müraciəti ilə qondarma erməni soyqırımını tanımaq haqqında qərar qəbul edib. Qərarda deyilir ki, "Ayastan” erməni icma təşkilatının rəhbəri Nikolay Adixanyan erməni "soyqırımı”nın tanınması ilə bağlı şəhər şurasına müraciət ünvanlayıb. İzyum şəhər şurası isə öz qərarı ilə Ukrayna prezidenti və Ali Radadan erməni xalqını dəstəkləməyi və "erməni soyqırımı”nı qanunvericilik səviyyəsində pisləməyi xahiş edib.
Xarkov erməni icmasının rəhbəri Kikolay Adixanyan isə bu qərarı Ukrayna erməniləri, eləcə də bütün erməni xalqı üçün çox vacib hadisə kimi dəyərləndirib. O, qondarma idddiaları dəstəkləyən İyum şəhər rəhbərliyinə minnətdarlığını bildirib.
İzyum rayon əhəmiyyətli şəhərdir. Ərazisi 43,6 kv.km., əhalisi 56 min 100 nəfərdir.
Qeyd edək ki, bu, Uraynada əsassız iddiaların dəstəklənməsi ilə bağlı üçüncü hadisədir. 19 may 2005-ci ildə Krımın Ali Radası aprelin 24-nün "erməni soyqırımı” qurbanlarının xatirə günü elan edib, bu il noyabrın 26-da isə Ki ev şəhərinin Qolseyevsk rayon şurası "erməni soyqırımı”nı pisləyib.
|