Hazırda Dövlət Şəhərsalma və Arxitektura Komitəsi "Böyük Bakı”nın regional inkişaf planını hazırlayır. Komitə sədrinin müavini Dövlətxan Dövlətxanovun ANS -ə verdiyi məlumata görə, bu, daha böyük layihədir. Layihə Sumqayıtdan Ələtə qədər olan ərazinin əhatəsi deməkdir.
D. Dövlətxanov əlavə edib ki, hazırda mövcud vəziyyətin təhlili, yeni inkişaf sahələrinin axtarılması, seçiləcək şirkətlərin koordinasiyası ilə bağlı təşkilat artıq seçilib. Üç beynəlxalq məsləhətçinin cəlb olunması da nəzərdə tutulur.
Dövlət Şəhərsalma və Arxitektura Komitəsinin sədr müavini Dövlətxan Dövlətxanov bildirib ki, seçiləcək təşkilatlardan biri Bakının iqtisadi inkişafı ilə bağlı təhlilləri, digəri ekologiya, üçüncüsü isə ərazinin istifadəsi üzrə yeni innovasiyalı üsullar təqdim edəcək.
Hazırda 3 beynəlxalq şirkətin seçilməsi üçün elan edilən tenderin birinci mərhələsi başa çatıb və təşkilatların qısa siyahısı hazırlanıb. Növbəti ay isə artıq qalib şirktələr müəyyən olunacaq.
Bu planda əhali sıxlığını hesablayaraq Bakı ərazisinin genişləndirilməsi nəzərdə tutulmayıb.
"Məxsusi Bakının inkişafı ilə bağlı daxildə də kifayət qədər sahələr var. Məsələn, Böyük Şor ərazi, Dövlət Neft Şirkətinə məxsus olan ərazilər. Bakı Buxtası ərazisindən iqtisadi obyektlər çıxarılır və bu boşalan əraziləri şəhərin inkişafına yönəltmək olar. Şəhərin mərkəzində yerləşən Qara şəhər ərazisi var ki, bu da şəhərdən çıxarılacaq və bu ərazi də şəhərin perspektiv inkişaf planlarından biridir. Yaxın 20 ildə paytaxta əlavə ərazilərin qoşulması, artırılmasına ehtiyac yoxdur”,- deyə Dövlət Şəhərsalma və Artxitektura Komitəsinin sədr müavini Dövlətxan Dövlətxanov bildirib.
Komitə 3 region üzrə Aran, Quba-Xaçmaz və Gəncə-Qazax iqtisadi rayonlarının da regional inkişaf planlarını hazırlamağa başlayıb. 2010-cu ildə keçiriliən tender nəticəsində 3 layihə təşkilatçısı ilə müqavilə bağlanıb. Bunlardan ikisi yerli, biri isə beynəlxalq təhşkilatdır. Yaxın vaxtlarda isə daha 2 region üzrə planların hazırlanması gözlənilir. Bu, Lənkəran və Şəki-Zaqatala regionlarıdır. |
ILKIN
Ilqar
Anar
