Göbələk şorbası
250 q göbələk
1 kartof
1 soğan
4 stəkan toyuq bulyonu
1 x.q. kərə yağı
1,5 x.q. un
Cəfəri
Qazırdılmış çörək
Duz, istiot
Kərə yağını əritdikdən sonra unu əlavə edin. Bir müddət qarışdıraraq qovurun. Toyuq bulyonunu əlavə edin. Göbələkləri xırda-xırda, soğan və kartofu kub şəklində doğrayıb qazana tökün. Qaynamağa başlayanda duzunu əlavə edin. Bir az qaynadıb süfrəyə cəfəri və qızardılmış çörəklə verin.
Tərəvəzli toyuq soyutması
1 toyuq
10 xırda soğan
2 kartof
3 kök
1 kərəviz
100 q göy noxud
50 q düyü
Cəfəri
Su, duz, istiot
Bir qazana toyuq, duz, su töküb 1 saat bişirin. Sonra soğanları, doğranmış kartof, kök, kərəviz, göy noxud və düyünü qataraq 30 dəqiqə də bişirin. Üzərinə cəfəri əlavə edib süfrəyə verin. Göy noxud konservləşdirilmiş olarsa, qazana son 10 dəqiqədə əlavə edin.
Sürpriz makaron
1 paket makaron
Yarım kq qiymə
2 soğan
3 kartof
2 badımcan
3 pomidor
2-3 x.q. zeytun yağı
Qızartmaq üçün bitki yağı
2-3 diş sarımsaq
1 yumurta
2 x.q. un
Duz, istiot
Əvvəlcə qiyməyə sürtgəcdən keçirilmiş soğan, duz, istiot əlavə edib kiçik küftələr hazırlayın. Küftələri una batırıb qızardın, sonra ayrılıqda kartofu, badımcanları da qızardıb bir kənara qoyun. Bir qazanda su qaynadaraq duz və makaronları əlavə edin. Makaron bişənə qədər bir tavada kərə yağı, blenderdən keçirdiyiniz pomidor və sarımsaqları qızardıb sous hazırlayın. İstəsəniz, bir az su, duz və istiot əlavə edin. Makaronları iri boşqaba töküb, üzərinə tərəvəzləri, küftələri, sonda sousu əlavə edin.
Mayonezli toyuq salatı
250 q döş əti
2 kök
2-3 təzə soğan
2 diş sarımsaq
1-2 x.q. qatıq
1 kasa mayonez
Şüyüd
Duz, istiot, qırmızı bibər
Suda bişirilmiş döş ətini didib duz və istiot əlavə edin. Tərəvəzləri mərcimək böyüklüyündə doğrayıb toyuqla və kənarda qarışdırdığınız mayonez və qatıqla birləşdirin. Üstünə doğranmış şüyüd əlavə edib süfrəyə verin.
Albalı şirniyyatı
2 paket uşaq peçenyesi
2 paket vanilli pudinq
3,5 stəkan albalı şirəsi
3 stəkan süd
1 kasa albalı
Bir paket vanilli pudinqi 3 stəkan südlə bişirin. Geniş bir qaba (şüşə) peçenyelərin yarısını düzün, üstündən pudinqi tökün, üstünə bir qat da peçenye qoyun. Peçenyelərin üstünə çəyirdəyi təmizlənmiş albalıları əlavə edin. Qalan pudinqi 3,5 stəkan albalı şirəsində bişirdikdən sonra albalıların üstünə tökün. Soyuducuda 1-2 saat qaldıqdan sonra süfrəyə verin.
|
