Məşhur azərbaycanlı ekstrasens Zirəddin Rzayev qarşıdan gələn illər ərzində Azərbaycanda və dünyadan baş verəcək təbiət hadisələri ilə bağlı ANS PRESS-ə proqnoz verib.
Esktrasensin sözlərinə görə, 2011-2012-ci illərdə Cənubi Amerikada kəskin təbii dəyişikliklər baş verəcək.
"Təbiət öz şıltaqlıqları ilə insanları qorxudacaq. Yer ürək kimi çırpınacaq. 2011-2012-ci illərdə Argentina, Çili, Kolumbiya, Venesuela və Braziliya təbii fəlakətlərdən sığortalanmayıb. Şimali Amerikanın cənubunda qasırğa hökmranlıq edəcək. Elə bil iki fil göydən xortumunu sallayacaq", deyə Z. Rzayev bildirib.
"Həmçinin Şimali Amerikanın cənubunda qırmızı işıq görürəm. Hətta bu görüntüləri özüm də izah edə bilmirəm. Fransada, Monqolustanda, Pakistanda, Türkiyədə ümumi sakitliyin, ictimai asayişin pozulduğunu görürəm. Yerli hakimiyyət narahatlıq içərisində yaşayacaq. Yaponiyada zəlzələlər görürəm. Xüsusilə şərq hissəsində. 2012-ci ildə ABŞ və Türkiyə terrorçuluqla mübarizəni gücləndirməli və çox ehtiyatlı olmalıdırlar. Çox ehtimal var ki, 2012-ci ildə Hindistanda təyyarə qəzası olacaq. Bu il Sakit Okean sakitləşməyəcək. Okeanın cənubunda tufan və daşqınlar gözlənilir. ABŞ-da tanınmış siyasi xadimin səhhətində poblem yaşanacaq. O, həyatla ölüm arasında qalacaq", deyə ekstrasens əlavə edib.
Onun sözlərinə görə, ABŞ-da iki dəfə naməlum uçan obyekt görünəcək, Rusiyada isə hərbi sahədə böyük irəliləyiş görür: "2012-ci ili Rusiya üçün hərbçilər ili kimi görürəm. Həmçinin İranda da gələn il ictimai sakitlik pozulacaq. İranın paytaxtında partlayış görürəm".
Bütün bunlarla yanaşı Zirəddin bu illər ərzində Azərbaycan üçün elə böyük uğursuzluq proqnozlaşdırmır.
"Sadəcə olaraq ilin ortalarında təbiət hadisələrinə bir az diqqət yetirmək lazımdır. Ümumiyyətlə, Azərbaycan üçün nə siyasi, nə də digər amillərlə bağlı ciddi problemlər gözlənilmir", deyə Z. Rzayev vurğulayıb. |
ilkin
Zehra
ulvi zeynalli
Leyla
Məhəmmədəli
Eti
