Həmyaşıd : sizin əsas dayağınız səbr, səbr, yenə də səbrdir. Çünki ikiniz də bir böyüyürsünüz. Bu sevgi münasibəti əkiz tayla birgə həyata bənzəyir, əksər hallarda sonu ayrılıq olur. Əgər ailə qurulubsa, onda xilas yolu daha çox ümumi maraqlar, işbirliyi tapmaqdır.
1-2 yaş fərqi: sizə ancaq həsəd aparmaq olar. Çünki ən ideal yaş həddindəsiniz. Əgər üstəlik, qarşı tərəfə hörmət edib, onu hər kəsdən üstün tutsanız, tam harmoniya və uzunömürlü nikaha nail ola bilərsiniz.

3 yaş fərqi : sizi çətin sınaqlar gözləyir. Problemləri bir-biriniz üçün özünüz yaradırsız. Birgəliyiniz rəqabət və həyatda nəyəsə nail olmaq üzərində qurulub. Elə buna görə də bu nikah çox stabil olur.

4 yaş fərqi: Sizi bəxtigətirən hesab etmək olar. Bu münasibətlər uğurlu və sabitdir.

5 yaş fərqi: «qaniçən» aravuran. Biri aparıcı olacaq, digəri tabeçi. Əgər hər ikisi öz rolundan razı qalsa, problemlər də az olacaq. Yox, əgər nə vaxtsa kimsə boyunduruqda qalmaqdan bezib, üsyan etsə, onda çox ağır sonluq ola bilər. Bu nikahı dağıtmaq da çətin olacaq, davam etdirmək də…

6 yaş fərq: birgə keçən illər müxtəlif sınaqlar, təcrübələrlə bol olacaq. Güzəştə getməkdən imtina acı ayrılığa gətirib çıxaracaq.

7 yaş fərqi: sirli, müəmmalı birlikdir. 7 mistik rəqəmdir. Yalan və həqiqətin mübarizəsi gedəcək. Bir-birinizə nə qədər yalan desəniz də hərdən xoşəgəlməz işlər baş versə də ayrılmaq istəməyəcəksiz. Çünki bir yerdə xoşbəxtliyinizi tapmısız.

8 yaş fərqi: çox məsləhətli, maraqlı və uğurlu yaş həddidir. Bar verən ailənin sahibi olacaqsız.

9 yaş fərqi: çox kritik fərqdir. Çətin qurulan və mürəkəb ailələrdən biridir. Həyat zərbələri çox olacaq.

10 yaş fərqi: sizdən fasiləsiz olaraq təkmilləşmə, öz üzərinizdə işləmək və səbr tələb olunur. Bir yerdə həyat sürmək üçün cəhd edin, çətinliklərə sinə gərin və özünüzə sübut edin ki, 10 yaş fərqli insanla xoşbəxtliyə çatmaq həyatın möcüzəsidir.

11-12 yaş fərqi: bu yaş həddi cütlüyə ağır günlər, qəlb ağrısı və məyusluq gətirəcək. Bu nikah yalnız ekstrem vəziyyətləri sevən, azad, dəlisov insanlarda alına bilər.

13-15 arası yaş fərqi: dağıdıcı təsiri böyükdür. Əgər özünüzə aid hər şeydən vaz keçib, həyatınızı sevdiyinizə həsr etməyi bacarırsızsa, onda irəli… Əgər yox, …o zaman təəssüf.

16-20 yaş fərqində: adətən, çox harmonik nikahlar alınır. Qarşılıqlı anlayış, rahat ailə ocağı, çətin anda dayaq… Taleyin bəxşişini qoruyun, vəssəlam