Britaniya alimləri süni dəri icad etdiklərini iddia edirlər. Alimlərin dediyinə görə, yeni üsul yaraların müalicəsində əsl inqilab yarada bilər. Kliniki sınaqlar göstərib ki, süni dəri insan dərisi ilə əvvəlki materiallardan daya yaxşı qarışır. Hazırda cərrahlar yanıq və digər böyük dəri yaralarını xəstənin özünün bədənindən alınan sağlam dəri ilə əvəz etməklə müalicə edirlər. Bu isə çox ağrılı və yeni bir yara yaradan bir prosesdir. İndi Britaniyanın Intercytex şirkəti yeni, dərini əvəz edən material icad etdiyini və bu yeni texnologiyanın böyük potensiala malik olduğunu iddia edir. Alimlər 6 xəstə üzərində kliniki sınaqlar aparaq onlara süni dəri implant etmişlər. 28 gündən sonra implant qoyulan dəri sahəsində bir balaca qızartı qalmış olsa da, yara o dərəcədə tez sağalmışdır ki, implantın qıraqları, demək olar ki, görsənmirdi. Süni dəri laboratoriya şəraitində şüşə lif vasitəsi ilə əldə edilib. Şüşə lif müəyyən ölçüyə çatdırılandan sonra xəstənin yaralı dərisinə ipmlant olunur. Yeni texnologiyanın prinsipi ondan ibarətdir ki, şüşə lif yeni dərinin artımı üçün bir növ taxtabənd rolunu oynayır. İnsan dərisi bu taxtabənd boyunca artaraq dərinin sağalmasına gətirib çıxarır. Bu, hələ ki, kiçik yaralar üzərində aparılan erkən kliniki sınaqlardır. Intercytex sınaqların yeni mərhələsinə hazırlaşır və ümid edir ki, yeni texnologiya 3-5 ildən sonra tətbiq olunmağa başlayacaq.
Leyla
Leman
Gunel
