Moskvada Azərbaycan və Dağıstan əsilli gənclər arasında qarşıdurma yaranıb. ANS PRESS, RİA «Novosti»yə istinadən xəbər verir ki, Rusiya paytaxtının mərkəzində bir qədər əvvəl baş vermiş hadisə zamanı üç nəfər bıçaq xəsarətləri alıb. Digər xəsarətlər alanlar da var.
Hüquq-mühafizə orqanlarından bildirilib ki, fevralın 14-də Bakı vaxtı ilə saat 23.30-da baş vermiş davada təxminən 10 nəfər iştirak edib. Hadisə yerinə dərhal patrul qrupları göndərilib. Hadisənin bir neçə iştirakçısı saxlanılıb. Milis, onların qarşıdurmanın səbəbkarı olduğunu düşünür. Hadisə yerində istintaq qruppu işləyir. /ANS PRESS/