ERMƏNİSTAN “EUROVİSİON-2009” RƏQS MÜSABİQƏSİNƏ QATILMAYACAQ

Ermənistan sentyabrda Bakıda keçiriləcək “Eurovision-2009” rəqs müsabiqəsində təmsil olunmayacaq.
Bu haqda Ermənistan İdman Rəqsləri Federasiyasının prezidenti Ağası Mkrtçyan “PanARMENIAN.Net” saytına müsahibəsində bildirib.
A.Mkrtçyan səbəb kimi Azərbaycan tərəfinin ötən il İrəvanda təşkil olunan idman rəqsləri üzrə beynəlxalq turnirdə iştirakdan imtina etməsini göstərib.
Qeyd edək ki, bu gün keçirdiyi mətbuat konfransında İctimai Televiziyanın baş direktoru İsmayıl Ömərov Azərbaycanın müsabiqədə iştirak etmək istəyən bütün ölkələrə, o cümlədən Ermənistana təhlükəsizlik təminatı verdiyini açıqlayıb. //282//