Pol Makkartni və Hizer Mills
Uzun boşanma prosesi Polun ailəsini pərişan etmişdi. Nəticədə keçmiş model ərindən istədiyi 50 milyon dolları qopara bildi.

Uitni Hyuston və Bobbi Braun
Qalmaqal, dava-dalaş, xəyanət, narkotik və spirtli içki aludəçiliyi ilə keçən uzun illərdən sonra, Uitni ərindən boşanaraq ümumi uşaqları üzərində qəyyumluq hüququnu əldə edə bildi. 

Cessika Simpson və Nik Lişe
Üç il birlikdə yaşayan cütlüyün həyatı əvvəldən axıradək publikanın diqtəsi altında keçmişdi. Onların nikahı elə ictimai qalmaqalla da sona çatdı.

Karmen Elektra və Deyv Navarro
Biseksual olan Deyv porno-aktrisa Cenna Ceymsonun sevgilisi imiş. Amma boşanmanın rəsmi səbəbi kimi qarşılıqlı ziddiyyətlər göstərilmişdi.

Britni Spirs və Kevin Federlayn
Boşanmanın təşəbbüskarı Britninin özü olsa da, bu proses ona o qədər təsir etdi ki, Britni iki uşağı üzərində qəyyumluq hüququnu itirdi və hətta intihar etmək dərəcəsinə çatdı.

Anna Nikol Smit və Hovard Marşal
Yaşlı milyonçunun boşanmaq fikri yox idi. O, sadəcə dünyasını dəyişdi. Öz miras payı üstündə sonadək mübarizə aparan Anna da bundan sonra çox yaşaya bilmədi.

Şahzadə Diana və Şahzadə Çarlz
Şahzadə Çarlzın sakit boşanmaq arzusu ürəyində qaldı. Britaniyalılar Diananı əvvəlki kimi sevsələr də, Çarlzı artıq satqın hesab edirdilər. Çünki onun Kamilla Parkerlə uzunmüddətli əlaqəsi hamıya məlum oldu.

Dryu Berrimor və Tom Qrin
Publika Tomu bu xanıma yaraşdırmırdı. Üç ay nikahda yaşayandan sonra Tom Qrin xasiyyətlərindəki fərqliliyi əsas gətirərək boşanmaq qərarına gəldi.

Layza Minelli və Devid Gest
Devid teleşouların birində xanımını «piyli» adlandırmışdı. Daim pəhriz saxlayan Layza ərinin onu «gonbul» adlandırmasını özünə təhqir hesab edərək boşanmaq qərarına gəldi. /ANS PRESS/