Microsoft yeni axtarış sistemi üzərində işləyir

282: Microsoft şirkəti Viveri adlı eksperimental axtarış servisini hazırlayır. Hazırda həmin sistemdən yalnız Microsoft-un əməkdaşları istifadə edə bilər. Live Search axtarış sistemi ilə eyni texnologiya bazasında hazırlanan Viveri, hələ ki yalnız Live Search-ə daxil edilə bilməyən innovasiya işləmələrini sınaqdan keçirmək üçün tətbiq olunur.
282.clan.su-nun "Mincom"-a istinadən verdiyi xəbərə görə, yeni axtarış sisteminin interfeysi Silverlight texnologiyası əsasında yerinə yetitilib. Belə ki, Viveri-nin təqdim etdiyi nəticələrdə saytlara istinadlardan başqa həmçinin müvafiq məlumatlar təqdim olunur. Məsələn əsas nəticələrin yanında təsvir, videorolik və ya axtarışın istiqamətinə uyğun mallar göstərilən kiçik pəncərə açılır. Bundan əlavə səhifədə daxil edilmiş sözlə daha populyar sorğuları görmək olar.
Microsoft nümayəndələrinin sözlərinə görə Viveri cari ilin yay aylarında geniş auditoriyaya təqdim olunacaq. //282