Boxca.Com 2 yaşını qeyd edir

Milli fayl depozit saytı olan Boxca.com artıq iki ildir istifadəçilərinə xidmət edir

282: Milli fayl depozit saytı olan Boxca.com artıq iki ildir istifadəçilərinə xidmət edir. Bu iki il ərzində sürətlə inkişaf edən Boxca.com, Azərbaycan saytlarının reytinq cədvəlinə görə ən çox istifadə olunan saytlar arasında ilk yerlərdən birini tutur. Bu barədə 282.clan.su-ya saytın rəhbəri Pərviz Hacıyev məlumat verib. Onun sözlərinə görə, hər gün yüzə yaxın istifadəçinin qeydiyyatdan keçdiyi sayta gündə təxminən 300 – 350 fayl yüklənir. Azərbaycan İnternetinin ən böyük fayl hostinq saytı olan Boxca.com artıq 100 minə yaxın fayla ev sahibliyi edir. Saytın istifadəçilərinin ümumi sayı isə 20 mini keçir.

Saytın inkişafı təkcə istifadəçi sayının və faylların artmasından ibarət deyil. 2 ildə saytdan istifadə artdıqca imkanları da genişləndirilmişdir. Əgər əvvəllər maksimum 50 MB fayl yükləmək olurdusa, bu rəqəm artırılaraq 200 MB-a çatdırılmışdır. Faylların saytın arxivində saxlanılma müddəti isə, 1 aydan 1 ilə qədər artırılmışdır.

Boxca.com bu keyfiyyətləriylə məhdudlaşmır. Ötən il, bu sahədə "Digitalbr@nd" reklam şirkəti ilə əməkdaşlıq razılaşması əldə olunub. Əməkdaşlıq çərçivəsində Boxca.com-un yeni funksiyalarla təchiz olunması ilə birlikdə, reklam imkanlarının artırılması da planlaşdırılır.

Sayt haqqında qısa məlumat:

Boxca.com – fayl depozit və bölüşmə xidməti göstərən saytdır. Saytdan qeydiyyatdan keçmədən fayl yükləmək mümkün olmaqla birlikdə qeydiyyatdan keçməyin bir sıra üstünlükləri var. Belə ki, qeydiyyatdan keçmədən bir dəfədə bir fayl yükləmək mümkündürsə, istifadəçi adı ilə daxil olduqdan sonra eyni zamanda 3 fayl yükləmək mümkündür. Bundan başqa, qeydiyyatdan keçmədən ən çox 150 MB ölçülü fayl yükləmək mümkündürsə, qeydiyyatlı istifadəçilər 200 MB-lıq fayllar yükləyə bilərlər. İstifadəçilərin yüklədikləri fayllar onların fərdi "boxcalarında" saxlanılır. Hər bir istifadəçiyə 5 GB yer verilir. Bu faylları müxtəlif qovluqlara qoymaq, başqaları tərəfindən görünən və ya gizli etmək olar. Bundan başqa istifadəçilər bu fayllar istədikləri vaxt silə bilərlər. // 282

Boxca.Com Saytını Bütün 282.CLaN.Su Saytı Adınnan Təbrik edirem.