http://www.turkiye-ermenistan-kapilar-acilmasin.org - 7 Апреля 2009 - www.282.clan.su

Türkiyə ilə Ermənistan arasında sərhədlərin açılmaması üçün internetdə imzatoplama kampaniyası başlanıb. "http://www.turkiye-ermenistan-kapilar-acilmasin.org" saytında aparılan imza toplama kampaniyası sona çatdıqdan sonra nəticələr Türkiyə Cümhuriyyəti rəsmilərinə çatdırılacaq.
Saytda Türkiyə prezidentinə, Baş nazirinə və digər Türkiyə Cümhuriyyəti rəsmilərinə ünvanlanmış aşağıdakı mətn yer alıb və imzalanması təklif edilir: «Son günlərdə Ermənistan ilə sərhədlərin açılması ehtimalı mediada və ya bəzi dairələrdə gündəmə gəlir. Aşağıdakı həqiqətləri göz önünə gətirdiyimizdə bu ehtimalın bir daha dəyərləndirilməsinin gərəkliyini düşünürük:
Türkiyə Ermənistan ilə yaxınlaşmaq üçün hər addım atdıqda, qarşı tərəfdən bir mənfi addım görür. Futbol diplomatiyası ilə bağlı yaxınlaşmadan sonra erməni rəsmiləri prioritetlərindən imtina etməyəcəklərini bildirdilər. Ermənistan hələ də Türkiyənin ərazi bütövlüyünü və Ağrı Dağını rəsmi sənədlərində belə milli simvol olaraq istifadə edir.
Türkiyə- Ermənistan yaxınlaşması Dağlıq Qarabağ problemi ilə bağlı olaraq Türkiyə-Azərbaycan əlaqələrinə böyük zərər verə bilər.
Türkiyə xarici siyasətinin 17 ildir Dağlıq Qarabağ probleminin Azərbaycanın lehinə təhlil edilməsini şərt qoyması yalnız Azərbaycanın təbii qaynaqları və bu ölkə ilə olan artan ticarət həcmindən ötrü deyil. Bir millət- iki dövlət olan Türkiyə və Azərbaycan tarix boyu bir-birinə dəstək verib. Əgər qardaşlığı bir tərəfə qoysaq, Türkiyə müəyyən çıxarlar üçün bunu etsə, o zaman Azərbaycandan əldə edilən üstünlüklər daha böyükdür. Nefti, qazı olan və Orta Asiyaya açılan qapı olan Azərbaycan Türkiyə üçün daha əhəmiyyətlidir. Ermənistanın isə Türkiyəyə müsbət xeyir verəcəyi bir faktor yoxdur.
Çanaqqala döyüşündə Türkiyəyə edilən qızıl, pul və hərbi kömək Azərbaycanın dəstəyinin göstəricilərindəndir. Təbii, bunun yanında günümüzə qədər Türkiyənin Azərbaycana verdiyi dəstəkləri də bilirik və unutmuruq. Bu günə qədər Türkiyə beynəlxalq platformalarda hər vaxt Azərbaycanın yanında iştirak edib.
«Sərhədlər sözdə «erməni soyqırımı» ABŞ Konqresindən keçməsin deyə açıla bilər»,- deyə yazılır və ya deyilir. Bu il Azərbaycanı itirən Türkiyə sözdə soyqırım tanınmasın deyə nəyi və ya haranı güzəştə gedəcək?
Biz Türkiyənin Azərbaycanı Dağlıq Qarabağ mövzusunda və digər mövzularda tək buraxacağına inanmırıq və Türkiyə- Ermənistan sərhədlərini Ermənistanın Dağlıq Qarabağdakı işğalı sona çatana qədər açmayacağını ümid edirik və bu istəyimizi imzalayırıq».