BİRİ VARDI, BİRİ YOX...

Olan olub keçən-keçib bəlkə də
İndi daha kövrəlməyin yeri yox
Ömrüm boyu belə gəlib mənimki
Əvvəlindən biri vardi, biri yox

Uzağdaydı mən istəyən ocağlar
Ürəyimdən gəlib kəçti sazağlar
Atalıydı, analıydı uşağlar
Bizim evdə biri vardi, biri yox

Gözlərimə doldurmusam yağışı
Bir köynəkdə çıxarmışam mən qışı
Şalvar-pencək geyinirdi tay-tuşum
Məndə isə biri vardi biri yox

Qəlbim yandı ilk sevgimdən eşqimdən
Dara düşdüm əl ummadım heç kimdən
Məclislərdə can deyib can eşidən
Dostlarımın biri vardi biri yox

Üzüm güldü tələbəyəm deyəndə
Sıxılırdım dost pencəyi geyəndə
Müəllimlə dil tapa bilməyəndə
Qiymətimin biri vardi, biri yox

Mən orduya nələr görüb getmişdim
Ürək alıb ürək qırıb getmişdim
İki qıza könül verib getmişdim
Qayıdanda biri vardi biri yox

Uzaq gəzdi əmi, dayı, bibilər
Söz arası mənə evlen dedilər
Nişan üçün iki şey istədilər
Məndə isə biri vardi biri yox

Vaxt gələcək bu günü görəcəksən
Çox suala gözünü döyəcəksən
Vaxt gələcək sən özün deyəcəksən
Dəyəcəksən, biri vardi, biri yox.

Mümkünsə münasibətinizi bildirin!!!