Bu gün səhər saatlarında Azərbaycan Neft Akademiyasının ikinci korpusuna silahlı basqın olub. wWw.282.CLaN.Su -nun verdiyi xəbərə görə, Azərbaycan vətəndaşı olmayan, Afroamerikalı bir şəxs avtomat silahla ali məktəbin binasına daxil olaraq, tələbə və müəllimlərə atəş açıb. Silahlı şəxsin artıq öldürüldüyü və ya özünə qəsd etdiyi bildirilir.
Hadisə yerində olan Daxili İşlər Nazirininin müavini Vilayət Eyvazov cinayətkarın artıq ödürüldüyünü təsdiq edib.
Lakin basqınçıların sayının 1 deyil, daha çox olması haqqında da məlumatlar var. İçəridə qalan terrorçuların bir neçə nəfəri girov saxladığı bildirilir. Ətrafa snayperlər gətirilib.
Basqının səbəbləri məlum olmasa da, qanlı olay nəticəsində çoxsaylı insanın xəsarət aldığı deyilir. İlkin məlumatlara görə ölənlərin sayı 10 nəfərdən artıqdır.
Bakı şəhər təxirə salınmaz və tibbi yardım stansiyasından verilən məlumata görə, hadisə ilə bağlı xəstəxayana 10 nəfər gətirilib, onlardan 5-i artıq ölüb. Xəstəxanaya yaralı şəxslərin gətirilməsi prosesi davam edir. Ölənlərin sayı arta bilər.
Hazırda bina təhlükəsiz qüvvələri tərtəfindən mühasirəyə alınıb. Xüsusi təyinatlı dəstələr müəllim və tələbələri binadan çıxarmaqla məşğuldur.
Hadisə yerinə baş prokuror Zakir Qaralov və daxili işlər naziri Ramil Usubov gəlib.