Polşanın mərkəzindəki Yablonovo kəndini`n sakini olan qadın gözlənilmədən huşunu itirib və həyat yoldaşı "təcili yardım” çağırıb. Yerli polis nümayəndəsi Yanuariy Mayevski bildirib ki, çağırışa gələn həkimlər qadının öldüyünü bildiriblər.

Ritual xidmətlər bürosu qadının "meyidini” morqa aparıblar. Amma bir neçə saat sonra morqun əməkdaşları qadının yerləşdirildiyi xüsusi torbanın tərpəndiyini görərək həkim çağırıblar.

Qadın dərhal yerli xəstəxananın reanimasiya şöbəsinə yerləşdirilib. Onun vəziyyətinin ağır olduğu bildirilir. Polis tədqiqata başlayıb.

Maraqlıdır ki, insanların diri-diri morqa yerləşdirilməsi faktlarına tez-tez rast gəlinir. Məsələn, bir il əvvəl infarktdan öldüyü güman edilən fransalı kişi əməliyyat masasında ayılıb. Həkimlər transplatasiya üçün onun daxili orqanlarını götürürmüşlər. 2007-ci ildə ABŞ-ın Delaver ştatında yaşayan qadın da morqda "dirilib”. Venesuelada isə "ölü” pataloqoanatomlar onu yaran zaman ayılıb.