"Bermud üçbucağı” olaraq adlandırılan bölgədə 1940-cı illərin sonuna doğru təyyarələrin ardıcıl olaraq qeyb olmasının sirrinin açıldığı iddia edildi.

Çoxlu sayda təyyarə və gəmilərin Atlantik okeanının Bermud, Florida və Puerto-Riko arasında cızılan xəyali üçbucaq şəklindəki bölgəsində heç bir iz saxlamadan qeyb olmuşdu.

BBC-də yayımlanacaq silsilə bir proqram üçün aparılan araşdırmalar, ümumi sayı 51 nəfər olan sərnişin və təyyarənin şəxsi heyəti ilə iki ingilis ticarət təyyarəsinin necə qeyb olduğuna dair ağlabatan bir açıqlama gətirib.

Təyarələrin birinin böyük ehtimalla pis istehsalından irəli gələn kritik və texniki nasazlıqlar səbəbindən düşmüş ola biləcəyi, digərlərinin isə yanacağının bitmiş olması ehtimalının yüksək olması bildirilib.

60 il əvvəl London və Bermud arasındakı ticari uçuşlar həm yeni və həm də çox təhlükəli idi. Təyyarələrin 2000 millik Bermud uçuşu öncəsi yanacaq ehtiyatını təmin etmək üçün Azor adalarında dayanması gərək idi.

Zamanın ən uzun birdəfəlik uçuşu olan Bermud uçuşlarında təyyarələr yanacaq ehtiyatlarını tam təmin etmələrinə baxmayaraq, yenə də yanacaqlarının son limitinə qədər sərf edirdilər. Bundan əlavə, o zaman ki, təyyarələr indiki kimi böyük sərnişin təyyarələrinə nisbətən daha az əmniyyətli idilər.

Bu sahədə çalışan British South American Airways-ın qorxunc bir "güvənlik”-i var idi: 3 il ərzində 11 ciddi qəza meydana gəlmiş, 5 təyyarə qeyb olmuş, 73 sərnişin və 22 nəfər təyyarənin şəxsi heyəti ölmüşdü.