Qadınların uzun illər cəlbedici görünmək üçün çəkdikləri əziyyət hədər gedib. İngilis araşdırmaçılar hündürdaban ayaqqabılar barədə yeni araşdırma aparıblar. "Northumbria" Universitetinin mütəxəssisləri dikdaban və dabansız ayaqqabı geyinən qadınlara kişilərin reaksiyalarını öyrənməyə çalışıb.

Eksperimentdə yaşı 18-35 arasında olan qadınlar iştirak edib. Kişilər onların görünüşündən, yerişindən və rəqs etməsindən hansının dikdaban ayaqqabı geyindiyini müəyyən etməli olublar. Nəticələrə görə, kişilər hansı qadının hündürdaban, hansının isə dabansız ayaqqabı geyindiyini ayıra bilməyiblər.

Tədqiqata rəhbərlik edən professor Nik Nev bəzi qadınların dabanlı ayaqqabılardan həddindən çox istifadə etdiyini bildirib. O, bunun bir sıra təhlükəli problemlərə yol aça biləcəyini qeyd edib.