Məşhur Amerika yazıçısı Mark Tven deyərmiş: “Siqareti atmaqdan asan iş var? Bunu, ən azı, 20 dəfə etmişəm!” Amma psixoloqlar deyirlər ki, canımızın, pulumuzun və həm də ətrafımızdakıların qənimi olan siqareti, həqiqətən də, asanlıqla atmaq olar və bunun üçün heç bir təntənəli and lazım deyil.
Siqareti atmaq niyyətiniz haqda heç kimə heç nə deməyin. Evdəkilər sizi güdəcək, tanışlar isə lağ üçün bəhanə axtaracaqlar. Siqareti atmasanız, sizi iradəsiz, sözü bütöv olmayan sayacaqlar. Özünüz özünüzə uduzsanız da, bunu təkcə siz biləcəksiniz.
Nədən və necə başlamalı?
Bir ay və bir il ərzində nə qədər pulu tüstüyə çevirdiyinizi, bu pula evə, ailə üzvlərinizə nələr ala bilərdinizsə, onu hesablayın. Siqaretdən tam imtina etməsəniz də, gündəlik “norma”nı azaldın.
Çəkilən siqaretlərin sayını azaltmaq çətin iş deyil. Çəkənlərin 80 %-i siqareti “ürək istəyi”ndən, nikotin asılılığından deyil, mərasimçilikdən çəkir -darıxanda, vaxt öldürmək üçün, iş yerində, məhəllədə, çayxanada söhbət zamanı çəkənlərə baxıb “dəstədən geri qalmırlar”. Siqaret çəkmək, bir növ, sürü psixologiyasına uymaqdır, sosiallaşmanın bəlalı tərəflərinfəndir! Həmdərd ola bilmək, çətinlikdə olana əl uzatmaq sosiallığın üstün tərəfi olsa da, onun bu sifəti də var.
“Mən siqaret çəkmək istəmirəm”, “O mənim və ailəmin düşmənidir”, “Siqaret məni qəbirə aparır” cümlələrini içinizdə tez-tez təkrar edin. Siz bununla toxumalarınıza və şüuraltına mesaj və komanda göndərirsiniz. Onlar sizi dərhal eşidəcəklər – sözün hərfi mənasında. Çünki, Krayon demişkən, “hüceyrələriniz istənilən məsələ ilə bağlı sizdən əmrlər gözləyir, siz bu əmri səsləndirən kimi toxumalar sevinərək “Sahibimizin bundan xoşu gəlir, gəlin onun dediyini tez-tez və təkrar-təkrar edək”.
Səhərlər yuxudan ayılanda dərhal siqaret çəkmək istəyirsiniz, daha doğrusu, bunu ağciyərinizə yığılmış qatran tələb edir. Niyə? Ona görə ki, şər şəri tələb edir...Yəni çoxalma və genişlənmə istənilən varlığn təbii-molekulyar meylidir, qatran və nikotin də özlərinə “arxa” tələb edir, biz isə bunu dərhal icra edirik. Hətta siqaretə görə küçədə tanımadığımız “əmoğlu”ya da ağız açırıq...
Nikotinin “səhər tələbatı”ndan qurtulmaq üçün toxumlardan çay dəmləyib için. Hərəsindən 1 çay qaşığı çovdar, yulaf və darı toxumlarından çay içəndə nikotinin “səhər hücumu” boşa gedir.
Sizə dayaq olacaqlar
Mentol və vanil də siqaret çəkmək istəyini zəiflədir.
Nitroqliserinli pambığa mentol, yaxud vanil səpib siqaret istəyi oyananda onu iyləyin, amma təkrar istifadə məqsədilə onu ağzıbağlı qabda saxlamaq lazımdır ki, iy çəkilməsin.
1 çay qaşığı quru yovşanı 2-3 saat dəmə qoyub sonra süzgəclə süzərək gün ərzində bacardığınız qədər için.
Aptekdən biyan kökünün dəmləməsini alıb gündə 3 dəfə 25-30 damcı qəbul edin.
Siqareti tərgidəndə əhval dəyişir, qıcıqlanma güclənir. Bu məqamda sakitləşdirici dəmləmələr faydalıdır.
Bərabər həcmdə pişikotu, nanəcövhər, zirə və razyananın 2 xörək qaşığı qədərində qarışığına 0,5 litr qaynar su əlavə edib, 2-3 saat dəmdə saxladıqdan sonra bunu dərin stəkana 1 xörək qaşığı bal qataraq gündə 2 dəfə için.
Nikotin asılılığından qurtarmaqda çəhrayı radiol sizə dayaq ola bilər.
15-20 damcı aptek dəmləməsini hər gün 3 dəfə saat 08-09.00, 11.00-12.00 və 14.00-15.00 radələrində 50 q suda həll edərək birnəfəsə için.
Siqaretlə tam vidalaşmağa kəhrəba da kömək edər. Bu şəfalı daş insanı sakitləşdirir, əhvalı düzəldir. Kəhrəbadan düzəldilmiş oyuncağı – təsbeh və s. – həmişə oynadın. İstifadə edilməmiş kəhrəba müştük də sizə “təsəlli” verə bilər – onu ağzınıza alsanız, həm sizi sakitləşdirəcək, həm də siqaret çəkməyəcəksiniz.
|
ILKIN
rasim
ASK
Ilqar
