4 nəfər üçün
0,5 kq brokoli
100 q təzə sarımsaq, kərəviz saplağı
1 stəkan xama
1 stəkan toyuq bulyonu
3 x.q. doğranmış cəfəri, şüyüd və kəklikotu
1 dəstə yaşıl soğanın baş hissəsi
Zeytun yağı
Duz, istiot
Brokoliləri yuyun, dəstələrə ayırın. Saplaqlarını kəsdikdən sonra başlarını incə çərtin.Təzə sarımsaq və kərəvəz saplaqlarını yuyun və doğrayın, zeytun yağında yumşalana qədər bişirin. Sonra yaşıl soğanın baş hissəsi, brokoli, doğranmış göyərtiləri və toyuq bulyonu əlavə edin. Bütün tərəvəzlər 25 dəqiqə bişəndən sonra qarışığa xama töküb blenderdən keçirin. Yaxşıca həll olunandan sonra 5 dəqiqə bişirin, duz, istiot əlavə edib süfrəyə isti şəkildə verin.

Badamlı toyuq

8 nəfər üçün
4 ədəd iki yerə bölünmüş toyuq filesi
1 kq göbələk
1 stəkan qabığı soyulmuş badam
1 stəkan un
Duz, qara və qırmızı istiot

Sobanı əvvəlcədən 125 dərəcə qızdırın. Un, duz, istiotu bir-birinə qarışdırın. Toyuq filelərini bu qarışığa salın. Sonra bitki yağı ilə yağladığınız sobanın qabına qoyub 1 saat bişirin. Bir-iki dəfə çevirin ki, yaxşı qızarsın. 1 saatdan sonra toyuğun yanına badam və göbələkləri düzün. Qapağını bağlayıb 2 saata qədər bişirin. Arabir sobanın istiliyini azalda bilərsiniz. Bu yeməyi buxarda bişirilmiş düyünün üzərinə qoysanız, daha ləzzətli olacaq.

Çərkəz salatı

1 ədəd toyuq
2 dilim çörək içi
3 stəkan qoz ləpəsi
Duz, qırmızı istiot

Toyuğu duzlu suda qaynadın. Qoz ləpəsini ət maşınından keçirin və 1 çay qaşığı duz və istiotla qarışdırın. Zəif odda yağı çıxanadək taxta qaşıqla əzin. Yağı çıxanda bir neçə qaşıq toyuq bulyonu əlavə edib qarışdırın. Sonra süzgəcdən qozun yağını süzün. Qoza isladılıb sıxılmış, ovulmuş 2 dilim çörək içi qatın. Sonra təkrar maşından keçirin. Toyuq bulyonu əlavə edin və qarışdırın. Bişmiş toyuğun sümükləri və dərisini ayrıb ətini didin. Hazırladığınız qoziçi qarışığı ilə qarışdırın. Zövqə uyğun əzilmiş sarımsaq da əlavə edə bilərsiniz. Süfrəyə verəndə, salatın üstünə bəzək kimi süzdüyümüz qozun yağını əlavə edə bilərsiniz.

Pendirli çörək

250 q marqarin
250 q ağ pendir
2 ədəd yumurta sarısı
2 ç.q. limon suyu
1 paket qabartma tozu
Lazım olan qədər un